داعش جنگریلری اوتگن کون کیچکی پیت درازب تومینیگه هجوم قیلگن. حاضر منطقهده آغیر اوروش جریانی بار. محلی امنیتی رسمیلر، کمیده پولیس نینگ 60 حربیسی و چمهسی 35نفر ملی کوچلردن داعش جنگریلری قورشاویده قالگن دیدیلر.
درزاب تومنی سرپرستی بازمحمد دلاور، حاضر ایسه فقط تومن نینگ حاکملیگی ینه امنیه قوماندنلیگی ملی کوچلر کنترولیده دیدی. بازار همده بیش حربی قرارگاه ایسه داعش جنگریلری اشغالیگه اوتگن.
دلاورگه کوره، هنوزگچه ملی کوچلرنینگ 9 عسکری و جنگری داعش نینگ 13 نفری اولدیریلگن. 3حربی و 15 داعش عصیانچیسی تن جراحتی آلگن دیدی دلاور.
جناب دلاور، داعش نینگ هجومی نیچه تاماندن بیر آنده باشلندی دیگن. ملا غضنفر، ملا ابراهیم و قاری حکمت الله رهبرلیگیدهگی 500 کیشیلیک جنگری نیچه تاماندن ملی کوچلر اوستیگه هجوم قیلگن. اونینگ آگاهلنتیریشیچه، تومنگه یاردمچی کوچلر یوباریلمهگن حالده، اوروش جنگری داعش فایدهسیگه یکونلنهدی.
نامی فاش ایتیلمسکلیک شرطی بیلن سلاموطندارگه صحبت بیرگن بیر منبع، ملی کوچلرنینگ چمهسی 60تهسی تومن امنیه قوماندانلیگیده داعش قورشاوویگه آیلنگن دیگن. تومن بناسیگه باریب کیلینه دیگن بوتون یوللر جنگریلر تامانیدن توسیلگن دیدی منبع.
درزاب پولیس قوماندانی عبدالقهار سراجی هم وضعیت دن خواطر بیلدیرگن. شونینگدیک جوزجان ولایت کینگشی نینگ بیر اعضاسی تومنده ملی پولیس نینگ 35 حربیسی داعش جنگریلری قورشاوویگه قالگن لیگینی اعتراف قیلگن.
