جنایت حکایه‌سی؛ کیچه‌لردن بیریده مولوی نذرالله آتلی دین عالمی چاه‌آب تومنی‌نینگ مرکزی مسجدی ده خفتن نمازینی اوقیگنیدن سونگ، اویی گه تامان یول آلگن. یولده نیچه قوراللی کیشی مولوی‌نینگ یولینی توسیب و اونی اوققه توتگن. اوشه کون ایرته‌سی مولوی نذرالله نینگ جنازه مراسمی‌ده چاه‌آب شهری‌نینگ دارالعلوم مسجدی‌نی خطیبی مولوی محفوظ‌الله بونده‌ی دیگن: «بو تومنده آمر بشیر و آدم‌لری‌نینگ ظلمی کیچیریلمس دیر و مولوی نذرالله نینگ انتقامی آلینیشی کیره‌ک.» بو آره‌ده بشیر قانت نینگ قومندانلریدن بیری غلام حسین، مولوی محفوظ‌الله نی آگاه‌لنتیره‌دی و شهرنینگ جامع مسجدی گه کیلیب امامت قیلمه‌سینی بیلدیره‌دی. بیراق، مولوی آگاه‌لنتیریش‌لرگه تَن بیرمه‌ی و جمعه نمازی اوچون مسجدگه کیره‌دی. بشیر قانت گه تیگیشلی قوراللی کیشی‌لر مسجدنی قمراوگه آلیب و ایچکری کیره‌دیلر. اهالی مولوی‌نینگ اطرافیده توپله‌نیب و هجومچی‌لرنی برابریده مقاومت قیله‌دیلر؛ نتیجه‌ده اوق آتیش‌لر باشلنه‌دی و تینچ اهالی‌لردن 3 ته‌سی هلاک و باشقه 29 ته‌سی یره‌لنه‌دی.
.jpg)
تخار ولایتی‌نینگ استیناف قاره‌لاوچیلیگی، حاضرگه‌قدر مذکور ولایت‌نینگ چاه‌آب تومنیده اسلامی حزب نینگ محلی قومندانلریدن بولگن بشیر قانت قولگه آلینیشی توغریسیده 4 مرته حکم صادر قیلگن.
1396- ییل، عقرب آیی‌نینگ 8 ده مذکور قاره‌لاوچیلیک‌نینگ جنایت‌لرنی عمومی شکلده تیکشیریش بولیمی تامانیدن تخار پولیس قومندانلیگی‌گه یوباریلگن «1361/1008» رقم‌لی مکتوبی‌ده کیلیشیچه، قتل، جنایت، مقدس ییرلرگه اهانت قیلیش و اهالی گه قرشی هجوم اویوشتیریش‌گه عیب‌لنگن‌لر جمله‌دن چاه‌آب تومنی‌نینگ جهادی قومندانلریدن بیری بشیر قانت، گروه باشلیغی شیرعلی اوغلی غلام‌حسین، شیخ‌الاسلام اوغلی ملا تیزلیک‌که تانیلیب، قولگه آلینیب و تیرگاوگه آلینیشی اوچون بو اداره گه تانیشتیریلیشی لازم.
1397- ییل، عقرب آیی‌نینگ 15 ده استیناف قاره‌لاوچیلیگی جنایت‌لرنی عمومی شکلده تیکشیریش آمریتی تامانیدن تخار پولیس قومندانلیگی گه یوباریلگن «1093/1064» رقم‌لی مکتوبی‌ده کیلیشیچه، محبوب‌الله، تاج محمد و فضل‌الدین‌نینگ قتلی گه عیب‌لنگن «غلام‌حسین، ظاهر، خیرالدین، محمدلطیف، حاجی غلام حیدر و بشیر قانت» قولگه آلینیب و بو اداره گه تانیشتیریلسین.
اَچیق ایستده‌لیک
تخار ولایتی استیناف قاره‌لاوچیلیگی تامانیدن بشیر قانت و اونگه تیگیشلی بولگن قورالی کیشی‌لرنی قولگه آلینیشی اوچون صادر ایتیلگن حکم ده، محبوب‌الله‌نینگ ایناغه‌سی شمس‌الدین قاره‌لاوچیلیک عنوانی‌ده عریضه قیلیب 1/4/1396 تاریخ‌گه ایناغم محبوب‌الله، ابه‌ام تاج‌محمد و ابه‌م‌نی اوغلی فضل‌الدین بیلن غله‌جات‌لرینی توپله‌ش اوچون چاه‌آب تومنی‌نینگ دشت شور منطقه‌سیده باره‌دیگن بیر چاغده، آمر بشیر قانت و قطار قورالی کیشیلری اولرنی یولده توخته‌تیب و اولرنینگ هجوم آستیگه قرار بیرگن، نتیجه‌ده محبوب‌الله، تاج‌محمد و فضل‌الدین شهید بولیب و اوزی اوشبو واقعه‌دن نجات تاپگن. شمس‌الدین‌نینگ ایتیشیچه، حاضرگه‌قدر مذکور واقعه ذهنی‌دن چیقمه‌گن و حقی بولگن کیشی حقی‌گه ییتیشمه‌گن صورتده، بو ظلم و قان توکیش‌نی فراموش قیله آلمهیدی.
تخار ولایتی‌نینگ استیناف قاره‌لاوچیلیگی مکتوبی‌نی بیر بولیمیده کیلیشیچه، اوشبو ریاست‌نینگ « 13/6/1397 تاریخیده (167) رقم‌لی، 1/8/1396 تاریخیده (909) رقم‌لی و 21/8/1396 تاریخیده (1061/ 1433) رقم‌لی جلب‌نامه مکتوب‌لری اساسیده عیب‌لنگن کیشی قولگه آلینیشی توغرسیده صادر قیلگن و تخار ولایتی‌نینگ خوفسیزلیک قومندانلیگی‌گه بویروغ بیریله‌دی کیم قرار اساسیده، مکتوب‌لرده ذکر ایتیلگن کیشی‌لر قولگه آلینیب و تیرگاوگه آلینیشی اوچون بو قاره‌لاوچیلیک‌که تانیشتیریلیشی کیره‌ک.
سلام‌وطندار، اقارب‌لری بشیر قانت و اونینگ امری‌ده بولگن قورالی کیشی‌لر تامانیدن اولدیریلگن قطار عایله‌لر بیلن صحبت قیلگن. قربان بولگن‌لرنینگ عایلهلریگه کوره، تخار ولایتی‌نینگ محلی مسووللری، بشیر قانت نینگ دوسیه‌لریگه دقت قیلمه‌یدی.
قتل و توپراققه قوییلمه‌گن جسدلر
چاه‌آب تومنی‌نینگ نورآبۀ قیشلاقی یشاوچیسی عبدالغنی‌نینگ ایتیشیچه، بشیرقانت عسکرلری اونینگ ایناغه‌سی، عمه‌سی‌نینگ اوغلی و ویس‌الدین قومندان نی اولدیردی.
اونینگ کوپه‌یتیریشیچه، اولرنینگ برچه نرسه‌لری بشیر قانت و اونینگ عسکرلری تامانیدن تالان بولگن و نهایتده اولرگه جسدلری نی توپراققه قوییش رخصتی نی بیرمه‌گن. اونگه کوره، اوزی‌نینگ جانی‌دن قورقیب اویی‌ده باره‌آلمه‌یدی.
یولده اوققه توتیلگن داکتر
تخار ولایتی‌نینگ چاه‌آب تومن یشاوچیسی مصدق‌الله‌نینگ ایتیشیچه، آته‌سی داکتر ایدی و وظیفه‌سی تاماندن کیته‌دیگن بیر چاغده بشیر قانت تامانیدن اولدیریلدی. مصدق‌الله‌نینگ ادعا قیلیشیچه، قضایی نهادلر مسئولری آته‌سینی دوسیه‌سینی ییچمه‌یدیلر و بشیر قانت ایرکین شکلده یوریدی.
ایناغه‌نگنی اولدیرهمیز
تخار ولایتی چاه‌آب تومن مرکزی‌نینگ باشقه بیر یشاوچیسی پهلوان محمدنینگ ایتیشیچه، اونینگ ایناغه‌سی مولوی نذیرالله خفتن نمازی نی ادا قیلگنیدن سونگ یول آره‌سیده بشیر قانت عسکرلری تامانیدن اولدیریلگن. پهلوان محمدنینگ ایناغه‌سیدن 6 باله قالگن. پهلوان محمدنینگ ایتیشیچه، بشیر قانت بیلن هیچ‌قندی دشمنلیگی یوق ایدی و ایناغه‌سینی هلاک ایتیلمسی‌دن آلدین بشیر قانت «ایناغه‌نگنی اولدیرهمیز» دیب خبر بیرگن ایکن. اونینگ ایتیشیچه، قنچه کیم بهاسی بولگن صورتده هم ایناغه‌سینی انتقامی نی آله‌دی.
شو توغریده…
تخارده حزب اسلامی‌نینگ قوماندانی «اعتراضچیلرنی اوغیرله‌گن»
سلام‌وطندارگه صحبت بیرگن تخار پولیسی قومندانی رشید بشیرنینگ ایتیشیچه، بو محلی زوروان باشکینت‌ده یشه‌یدی و حاضرگچه استیناف قارلاوچیلیگی آمر قانت‌نینگ عسکرلرینی اوشلب آلیش بویروغی نی بیرمه‌گن.
رشید بشیر جنابلری‌گه کوره، بیر توقنه‌شوو یوزبیرگنیدن سونگ جمهورلیک ریاستی تامانیدن بیر هیأت تخار ولایتیده کیلیب و اونینگ نیچه عسکری نی کابل‌ده انتقال بیردی.
بیراق بشیر قانت مذکور اتهام و سوال‌لرگه جواب قیته‌ریب ایتیشیچه، هیچ قندی قولگه آلیش بویروغی اونگه کیلمه‌گن و بو موضوع‌لر سلام‌وطندارگه تیگیشلی ایمس دیر.
شونینگدیک باش قارالاوچیلیک سوزلاوچیسی جمشید رسولی‌نینگ ایتیشیچه، حاضرگچه تخار استیناف قارالاوچیلیگی‌نینگ تیرگاوی، بشیر قانت خصوصیده بولگن ادعالر توغریسیده یکونلنمه‌گن.
بشیر قانت گلبدین حکمتیار رهبرلیگی آستیده بولگن اسلام حزب‌نینگ سابق اعضالریدن دیر. او، حامد کرزی‌نینگ جمهور رییس‌لیگی زمانیده سرپل حاکمی ایدی. نماینده‌لر کینگشی‌ده اوزینی نامزد قیلدی؛ بیراق اونینگ مسئول‌سیز قورالی کیشی‌لر و عصیان‌سیز کیشی‌لرنی قتل ایتیلیشی توغریسیده بولگن تخار یشاوچیلری‌نینگ کوپینچه شکایتلری باعث، سیلاوی شکایت‌لرگه تینگلش کمیسیون تامانیدن نامزدلر رویخطی‌دن چیقاریلدی.
