جوزجان ولایتی نینگ خواجه دوکوه تومنی، اوشبو ولایتده امنیتی لحاظدن یخشی بولگن تومنلردن بیری دیر، بیراق ایچیملی سوو بولمهگنی بو تومن یشاوچیلرینی جدی قیینچیلیک بیلن روپهره قیلگن.
خوجه دوکوه یشاوچیلریدن بیری کمال نینگ ایتیشیچه، بو تومنده ایچیملی سوو یوقلیگی سبب، سوونی ساتیب آلهدیلر.
اونینگ ایتیشیچه، کمبغللیک و ایشسیزلیکدن سونگ، ایچیملی سوو یوقلیگی نیچه ییلدن بویان بو تومن یشاوچیلرینی تهدید قیلهدی.
کمال نینگ کوپهیتیریشیچه، خواجه دوکوه تومنی نینگ یشاوچیلری نیچه مرته قیینچیلیکلرینی حکومت مسوولری بیلن شریک قیلگن، بیراق حاضرگهقدر اولر قیینچیلیگی حل ایتیلیشی خصوصیده عملی ایش صورت تاپمهگن.
شونینگدیک، بو تومن یشاوچیلریدن باشقه بیری قدوس، حکومت نینگ دقتسیزلیگی دن تنقید قیلهدی.
قدوس نینگ ایتیشیچه، 18 ییل جریانیده خواجه دوکوه تومنی یشاوچیلری برابریده بولگن قیینچیلیکلرنی حل قیلیش اوچون هیچقندی عملی ایش بولمهگن.
خواجه دوکوه یشاوچیلری بیلن صحبت اوتکزگندن سونگ، بو تومن یشاوچیلری برابریده بولگن قیینچیلیکلرنی جوزجان محلی مسووللری بیلن شریک قیلدیک.
جوزجان حاکمی سوزلاوچیسی فریدون انیق نینگ ایتیشیچه، خواجه دوکوه تومنیده ایچیملی سوو انتقال بیریش اوچون سعی و حرکتلرنی دوامی بار و بو قیینچیلیکنی تیزلیککه حل ایتیلیشی ممکن.
جوزجان، مملکت شمالیده جایلشگن ولایتلردن بیری بولیب و بو ولایت قطار تومنلریده ایچیملی سوو یوقلیگی جدی قیینچیلیکلردن بیری دیر.
