دندغوری طالبلرینینگ اوشبو تومن عیاللرینی آگاهلنتیریشیچه، بوندن کیین، بازارده کورینسهلر قتیق شکلده جزالنیشی ممکن. بغلان ولایتی دندغوری یشاوچیسی و فعال عیاللردن بیری نوریه حمیدینینگ سلاموطندار بیلن اوتکزگن خاص صحبتیده ایتیشیچه، طالبلر حاکم بولگن منطقهلریده عیاللرنینگ بازارده یوریشینی حرام دیب و جامعهده اخلاقی فساد کینگهییشیگه سبب بولهدی دیگن.
خانم حمیدیگه کوره، اوشبو قانون اساسیده، عیاللر و قیزلر راحتلیکده مکتب و تحصیلی ادارهلرگه بارهآلمهیدی. خانم حمیدینینگ ایتیشیچه، طالبلر قیزلرنینگ مهریهسی، مکتب اوقوتووچیلرینینگ حقوقی و خلقنینگ ایکینچیلیک محصولاتیدن باج آلیب و سهمیه ایستهیدی. بغلان مدنی جماعهچیلیک عضوی و اوشبو فعال عیالنینگ ایتیشیچه، دندغوری طالبلری عایلهسینینگ، نیچه اعضاسینی اولدیرگن، او حکومت ایشلریدن تنقیدقیلیب ایتیشیچه، بغلان محلی رسمیلری، اوشبو منطقه طالبلرینی تازهلش خصوصیده، هیچ بیر ایش قیلمهگن.
بیراق، بغلان امنیه قومندانلیگی سرپرستی و امنیت آمری عبدالرشید بشیرنینگ ایتیشیچه، بغلان امنیتی کوچلری، مذکور تومنده کینگ عملیات اوتکزیش اوچون تیارگرلیک آلگن و تیزلیکده، اوشبو عملیات باشلهنیشی ممکن. جناب بشیرنینگ ایتیشیچه، طالبلر حاکم بولگن منطقهلریده محل یشاوچیلرینی آزار بیریب و اولردن قانونگه عمل قیلیشلرینی سورهیدی.
آلتی آیدن بویان بغلان ولایتینینگ دندغوری تومنینی کوپینچه قسمتی طالبان نظارتیگه اوتگن و دولت رسمیلری، بو تومنگه کیرهآلمهیدی.
بغلان دین عالملری: خودکش و پارتلهتیش هجوم حرام دیر
بغلان ولایتیده دین عالملریدن اونلرچهسی بیر ییغینده، خودکش و پارتلهتیش هجوملریده تینچ اهالی اولیمینی اسلام دینیگه قرشی بیلیب و اونی قتیق قارهلگن.
دین عالملریدن بیری مولوی محمد رقیب حنیفینینگ ایتیشیچه، خودکش هجوم اویوشتیریب مسلمانلرنینگ قانینی توککن کیشیلر مسلمان ایمس دیر.
شونینگدیک، مولوی جمالالدین احمدی و مولوی محمد نصیر، پاکستاننی ارهلشلریگه اشاره قیلیب ایتیشیچه، پاکستان کوپینچه یاشلر و اوسمیرلرنی تربیهلب خودکش هجوم اویوشتیریش اوچون افغانستانگه یوبارهدی. اوشبو عالملرگه کوره، خودکش و پارتلهتیش هجوم اویوشتیرهدیگن یاشلردن کوپینچهسی نه فقط اسلام دینیدن خبرسیز، بلکیم سوادسیز دیر.
