مملکت شمالیده جایلشگن بغلان ولایتی نینگ محلی بلند مرتبهلی رسمیلری، 60 یاشر بیر کیشی ینگی دن تورموش قورگن کیلینی بیلن جنسی علاقهسی بارلیکده گمان قیلینیب ملی کوچلر تامانیدن قولگه آلینگن دیگنلر.
ولایت رسمیلری، مذکور کیلین 60 یاشیده بولگن شخص نینگ اوغلی بیلن تورموش قورگن لیگیگه فقط ایندی ایکّی آی تولگن لیگینی تیلگه آلگنلر.
بغلان پولیس قوماندانلیگی سوزلاووچیسی ذبیح الله شجاع، حادثه ولایت نینگ گذرهنور تومنیده یوز بیرگن لیگینی سلاموطندارگه ایتگن.
جناب شجاع نینگ سوزلریگه کوره، ایندی اویلنگن بو کیلین قیینآتهسی آرقهلی جنسی زورلنگنلیک مسالهسینی نیچه بار تورموش اورتاغی بیلن اورتهگه قویگن؛ لیکن، ایری موضوع توغریسیده سیره هم اعتبار بیرمهگن. بیراق، نهایتده ینگی کیلین مساله بارهسیده ولایت امنیتی ادارهلرینی جریانگه قوییشگه اولگورگن.
بغلان پولیس قوماندانلیگینینگ سوزلاووچیسی، کیلین نینگ قیینآتهسی حبسگه آلینگن لیگینی اظهار قیلگن.
