.jpg)
بامیانده انسان حقوقی ایرکین کمیسیونینینگ دفتری مسؤوللرینینگ ایتیشیچه، بامیان مرکزیده 8 و 14 یاشر ایکی قیزنینگ ساتیلیش قضیهسیدن بیش کون اوتهدی، بیراق حاضرگچه اولرنینگ دوسیهلری پولیس تامانیدن باش قارهلاوچیلیککه یوباریلمهگن.
مذکور ایکی یاش قیز نیچه کون آلدین فولادی دره منطقهسیده آتهسی و ابهلری تامانیدن ایکی یاش کیشیگه 325 مینگ افغانی ساتیلگن.
بامیان ولایتینینگ باش قارهلاوچیلیک ریاستی رسمیلرینینگ ایتیشیچه، قانون اساسیده، پولیس 72 ساعت ایچیده دستلبکی تیکشیروولرینی عملگه آشیریب و دوسیهنی باش قارهلاوچیلیککه یوباریشی کیرهک؛ بیراق حاضرگچه بامیان پولیس قومندانلیگی بو دوسیهنی باش قارهلاوچیلیککه یوبارمهگن.
بامیان باش قارهلاوچیلیگینینگ ایتیشیچه، ساتیلگن قیزلرنینگ دوسیهسی مذکور ریاستگه تاپشیریلگونگه قدر، اولر بو دوسیهگه مسؤول بوله آلمهیدی.
بامیانده انسان حقوقی ایرکین کمیسیونینینگ باشلیغی روحالله فروغنینگ سلاموطندارگه ایتیشیچه، بامیان ولایتیده بوندهی قضیه کملیگی باعث، بو قیزلرنینگ ساتیلیشی حیرتلی کورینهدی. جناب فروغنینگ ایتیشیچه، مذکور قیزلر ساتیلیشیدن آلدین، قتیق کلتکلنگن و اولرنینگ تنهسیده کلتک نشانهسی کورینهدی.
شونینگدیک، بامیان والیسینینگ سوزلاوچیسی عبدالرحمن احمدینینگ قضیه توغریسیده ایتیشیچه، مذکور قیزلرنینگ ساتیلیشی و کلتکلنیشیگه قولی بولگن کیشیلرنینگ برچهسی تیرگاوگه آلینهدی و هیچ بیر کیشیگه رحم قیلینمهیدی؛ بو حکمگه مذکور قیزلرنینگ عقدینی جاری قیلگن کیشی هم شامل بولهدی؛ «دیمک او کیشی بامیان ولایتی عالملر کینگشینینگ باشلیغی بولگنده هم».
اوشبو قیزلرنی تورموش اورتاقلیککه آلگن ایکی یاش، ضمانت بیلن قماقخانهدن چیقگنلر.
دیمک سلاموطندار بامیان پولیس قومندانلیگی بیلن علاقه قوریب و بو قضیه توغریسیده اولرنینگ فکرینی اورگهنیش اوچون سعی و حرکت قیلدی، بیراق پولیس قومندانلیگینینگ رسمیلری، بو توغریده صحبت قیلیشگه حاضر بولمهگن.
