 - Copy 1.PNG)
افغانستان بوییچه استراتیژیکی مطالعه اداره رسمیلرینینگ ایتیشیچه، اولرنینگ ینگی بیر فکر اورگهنیش تیکشیروویده بادغیس، بامیان، بدخشان، بلخ، پکتیا، جوزجان، زابل، غزنی، غور، کابل، قندهار، کندز، ننگرها، هلمند و نیمروز ولایتلریده 1540 کیشینینگ فکری اورگهنیلگن.
اوشبو تیکشیروو اشتراکچیلریدن 49.7% عیاللر و 50.3% ایرککلر تشکیل بیرهدی.
مذکور اداره رسمیلرینینگ ایتیشیچه، اوشبو فکر اورگهنیش تیکشیروویده اشتراک ایتگنلردن 25% تینچلیک سوزلشوولریده حقوقلری معامله بولیشیدن خواطرده و 20% مملکتده تینچلیک تأمینلنیشیگه ایشانمهیدی. بو جملهدن 14.3% عیاللرنینگ حقوقی کوزگه توتیملسلیگی و 13.7% طالبلر ارا اوتکزیلهدیگن تینچلیک سوزلشوولریده اساسی قانون نظرده آلینمسلیگیدن خواطرده بولگن.
.PNG)
افغانستان بوییچه استراتیژیکی مطالعه ادارهسینینگ تیکشیرووچیلریدن بیری غلام رضا ابراهیمینینگ ایتیشیچه، اوشبو فکر اورگهنیش اشتراکچیلریدن 34% دولت، 20% طالبلر، 11.2% قوم گرالیک، 11،2 قشاقلیک و سوادسیزلیک، 8.2% محلی زورهوانلر و مخدره ماده مافیالری و 6% تشقی کوچلر حضورینی مملکتده تینچلیک تأمینلنیشیگه قرشی دیب بیلهدی.
اشتراکچیلردن 48% نینگ ایشانچیگه کوره، پاکستان حکومتی افغانستان ناتینچلیگی و اوروشیدن فایدهلنهدی. اوشبو فکر امیریکه و غربی مملکتلر توغریسیده 20% و فاسد دولتچیلر توغریسیده 17% گه ییتیشهدی.
اوشبو اشتراکچیلردن 70% ایتیشیچه، دولت رسمیلری، طالبلر ارا اوتکزیلهدیگن تینچلیک سوزلشوولری توغریسیده بیر فکرده ایمس دیر و باشقه 86% تینچلیک تأمینلنیشیده خلق رولینی چمهسی 54% دیب بیلهدی.
.PNG)
عین حالده، مذکور ادارهنینگ تیکشیرووچیلریدن باشقه بیری حسین علی کریمینینگ ایتیشیچه، اوشبو فکر اورگهنیش اشتراکچیلریدن 62% مملکتده تینچلیک تأمینلنیشی خصوصیده عیاللرنینگ 34% رولی اوستیگه تاکیدلب و باشقه 60% تینچلیک تأمینلنگنیدن کیین، مملکتده عیاللر وضعیتی یمان بولیشینی ایتگن.
جناب کریمینینگ ایتیشیچه، اشتراکچیلردن 77% قوراللی طالبلرنینگ جنایتینی کیچیریم سیز دییدی و باشقه 63% مذکور گروهنی تروریست، دشمن و غلام صفتیده ایسلهیدی. اشتراکچیلردن 2% اوشبو گروهنینگ مجاهد دیب بیلهدی.
اوشبو تیکشیروو نتیجهسی، افغانستان حکومتی بیلن قوراللی طالبلر اورتهسیده اوتکزیلهدیگن سوزلشوولر زمانی نامعلوم دلیللر باعث، نیچه مرته آرتده قالگن بیرچاغده نشر ایتیلگن.
دیمک، ملا اختر محمد منصور رهبرلیگیده بولگن طالبان گروهی، افغانستان دولتی تامانیدن اولرنینگ شرطلری قبول بولگینچه مذاکره میزی اوستیگه حاضر بولمسلیگینی ایتگن، بیراق افغانستان حکومتی حاضرگهقدر تینچلیک سوزلشوولری اوتکزیلیشی خصوصیده امید بیلدیرهدی.
