اوتگن کون برتایناده پارلمانی سیلاو اوتکزیلدی. ایتییلیشیچه، 650 کیشی عضو بوله‌دیگن اولکه مجلسی‌ده 50 میلیون کیشی آواز بیریشه‌دی.
بوگون برتاینا مجلسی‌نینگ سیلاو یانیده، مذکور اولکه 9000 محلی کینگش عضوی‌نینگ قنقه‌لیگی هم انیقلنه‌دی.
اوتگن کون ایرته‌لب برتاینا وقتی‌گه قره‌تیب، ساعت 7دن آواز بیریش پروسه‌سی باشله‌نیشی بیلن، کیچه 10 گه قدر دوام تاپدی.
کورینیشیچه، سیلاو بیرینچی نتیجه‌سی اوتگن کیچه اعلام بولیب، جمعه کونگه قدر نهایی نتیجه تاخته‌تیلدی.
برتانیانینگ سیلاو تیزیمی، کوپینچه‌لیک رای‌گه قره‌تیب، سیلاو حوزه لریده‌گی رقیب لریدن کوره کوپ آواز آلگن کیشی مجلس‌گه یول تاپه‌دی و پارلماندن 50 قوشیمچه بیر آواز آلیش‌گه موفق بولگن اولکه باش وزیری حیثی‌ده تنلنه‌دی.
برتانیا باش وزیری و محافظه‌کار حزبی‌نینگ رهبری دیوید کامرون ایرته‌لب آواز بیریش محلی‌ده کیلیشی بیلن رای بیردی.
کارگر حزبی‌نینگ ییگیت رهبری اد میلیبند، مذکور سیلاوده کامرون‌نینگ اساسی رقیب‌لریدن بیری سنله‌دی.
مذکور قتناوده، یوکیپ حزبی، اسکاتلند ملی حزبی و لیبرال دیموکرات حزبی هم اشتراک ایتگن.
برتانیا قانونی‌گه قره‌گنده، مجلس چوکی‌لرینی سانی‌گه آشیریش اوچون حزب‌لر اوز ایچیده کیلیشیک قیله آله‌دیلر.
برتانیا باش وزیری دیوید کامرون اولکه سینی اروپا اتحادیه سیگه قوشیلیش توغری‌سیده فکر اورگه‌نیش وعده سینی بیرگن، شوسبب اروپالیک اولکه‌لر اونینگ قیته‌دن باش وزیر حیثی‌ده تنلنیش اوچون علاقه‌ده‌لر.
ینگی تیکشیرولر اساسی‌ده، کامروننی ینه‌ده باش وزیر حیثی‌ده تعین ایتیب قالیش احتمالی بار، نیگه کی؛ لیبرال-دیموکرات حزبی اونی حمایت قیلماقچی.
