افغانستان بوییچه پاکستان ایلچیخانهسی افغانستان یشاوچیلری گه ویزه بیریش جریانی قیته باشلهنیشیدن خبر بیرگن.
بوگون «شنبه» مذکور ایلچیخانه تامانیدن بولگن توییتده اعلان قیلینیشیچه، قنسول بولیمی نینگ بوتون خذمتلری ایرته «یکشنبه، 8- جدی» قیتهدن باشلنهدی.
کابل بوییچه پاکستان ایلچیخانهسی جاری ییل، 13- عقرب ده، مذکور ایلچیخانه نینگ قنسول بولیمی ناتینچلیک باعث، سونگی معلومات گهقدر باغلیق قالیشینی بیلدیرگن ایدی.
شونینگدیک، پاکستان تشقی ایشلر وزیرلیگی نینگ اوشه زمانده اعلان قیلیشیچه، اسلامآباد بوییچه افغانستان ایلچیخانهسی نینگ شارژدافیری نی کابلده پاکستان دیپلوماتلریدن بیرقطاری قیناقلنگنی توغریسیده جواب بیریشی اوچون چقیرگن ایکن.
مذکور وزیرلیک تامانیدن ترقهتیلگن خبرنامهده کیلیشیچه، اوشبو دیپلوماتلر اوتگن ایکی کونده کابلده پاکستان ایلچیخانهسی نینگ یولیده توسیققه روپهره بولیشگن.
شونینگدیک، پاکستان تشقی ایشلر وزیرلیگی، افغانستان حکومتیدن بو موضوع تیکشیریلیشینی طلب قیلگن ایدی.
عین مده، افغانستان تشقی ایشلر وزیرلیگی، بیر خبرنامه آرقهلی کابلده پاکستانلیک دیپلوماتلری بیلن ناقولی یاندهشیلگنی خصوصیده، اسلامآباد ده افغانستان ایلچیخانهسی نینگ رسمیلری چقیریلگنی گه ناراضیلیک بیلدیردی.
افغانستان تشقی ایشلر وزیرلیگی، پاکستان طرفیدن خوفسیزلیک خواطرلری توغریسیده بولگن ادعانی جدی شکلده تیکشیریش خصوصیده سوز بیریب و افغانستان حکومتی، پاکستان و باشقه ایلچیخانهلرنینگ دیپلوماتلرینی خوفسیزلیگی تأمینلنیشی توغریسیده جدی شکلده تدبیر آلهدی.
افغانستان بوییچه پاکستان ایلچیخانهسی نینگ قنسول بولیمی کمیده ایکی آی یاپیق قالگن بیرچاغده، مذکور ایلچیخانه بوندن آلدین پاکستان ویزهسی اوچون مراجعت قیلگنلردن یالغیز «عاجل و اونملی» سفرلر اوچون ویزه سورهشلرینی طلب قیلگن ایدی.
شو توغریده…
