بامیان محلی مسووللری نینگ ایتیشیچه، سونگی پیتلرده بیرقطار زوروان کیشیلر دولتی ییرلرنی غضب قیلیب و بنا قورماقدهلر.
اراضی و شهر قوریش ادارهسی نینگ مسووللریگه کوره، بامیان ولایتی بوییچه عدلی و قضایی نهادلر جدی شکلده فعالیت قیلمهی و غاصبلردن حمایت قیلهدی، اولرنینگ ایتیشیچه، اوشبو ولایتده هیچبیر غاصب محکمه قیلینمهگن.
بامیان پولیس قومندانی جنرال صادق مرادی نینگ ایتیشیچه، دولت ملکیتلرینی غصب قیلهدیگنلرگه قرشی کورهشیش اوچون مسوول نهادلرنینگ همکارلیک قیلمهگنی سبب، بیرقطار زوروان کیشیلر باستانی ساحهلر و دولت ملکیتلرینی غصب قیلگن.
اونینگ ایتیشیچه، مسوول نهادلر همکارلیک قیلمهگن صورتده، اهالی و پولیس ییر غاصبلریگه توسیق بوله آلمهیدی.
ایکی ییل آلدین بیریلگن ارقاملرگه کوره، بامیان ولایتیده 4650 جریبدن آرتیق دولتی ییر و باستانی ساحه زوروان کیشیلر و محل یشاوچیلری تامانیدن غصب قیلینگن.
بامیان یشاوچیلری نینگ ایتیشیچه، محلی و مرکزی حکومت زوروانلرنینگ حرکتلریگه توسیق بولیش اوچون سعی و حرکت قیلمهیدی، بیراق بامیان ولایتی بوییچه استیناف محکمهسی باشلیغی نینگ ایتیشیچه، یخشی شکلده تیکشیریلمهگن دوسیهلر اوشبو اداره تامانیدن قیتریلگن. مذکور اداره مسوولی نینگ ایتیشیچه، ییر غاصبلری نینگ دوسیهلری جدی شکلده تیکشیریلهدی.
بامیان پولیس قومندانی و یشاوچیلریدن بیرقطاری، اوشبو ولایت عدلی و قضایی نهادلریدن ییر غاصبلری نینگ دوسیهلرینی جدی شکلده تیکشیریشلرینی سورهگنلر.
