افغانستان شهر قوریش و ییر بوتونلیک وزیرلیگینی سرپرستی محمدجواد پیکارنینگ ایتیشیچه، رسمی منطقهلرنی تیزیمگه کیلتیریش اوچون مملکتنینگ 8 کته شهریده نارسمی منطقهلرگه ایگهلیک حجتی ترقهتیلیشی باشلنگن و حاضرگچه 500 مینگ اوی رویخطگه آلینگن.
اونینگ کوپهیتیریشیچه، شهر قوریش وزیرلیگینینگ ایش طریقهسی اساسیده، بو رقم میلادی 2020- ییلگچه بیر میلیون اوی گه ییتیشهدی.
جناب پیکارگه کوره، بو حجت معیاری بولگنی باعث، ساختهلشتیریب بولمهیدی.
عین حالده، کابل حاکمی محمدیعقوب حیدرینینگ اورغولشیچه، یشاوچیلر رسمی حجت قولگه کیریتگنلریدن سونگ، شرعی قباله هم آلیشلری کیرهک. جناب حیدرینینگ کوپهیتیریشیچه، ییر بوتونلیک ادارهسی و کابل ولایت مقاملیگی حاضر نیازمند کیشیلرگه نمایشی نمرهلر ترقهتیلیش ریجهسی اوستیگه ایش قیلماقدهلر.
کابل شهریدهگی نمایشی اویلردن 70 فایزی پلانسیز شکلده قوریلگن و بو موضوع شهر یشاوچیلرینی کوپینچه قیینچیلیککه روپهره قیلگن.
