ساغلیک وزیرلیگی نینگ معلوماتی اساسیده، اوتگن 24 ساعتده مملکتده کرونا ویروسی گه شبههلی 1 مینگ و 459 واقعه تیکشیریلگن کیم، بولردن 546 تهسی ایجابی انیقلنگن.
بوگون (شنبه 31- جوزا) ساغلیک وزیرلیگی سرپرستی احمد جواد عثمانی کرونا گه چلینگنلرنینگ کوندهلیک رقمی نی ترقهتیش بیلن ایتیشیچه، مذکور ینگی واقعهلر قید ایتیلیشی بیلن مملکتده کرونا ویروسی گه چلینگنلر رقمی 28 مینگ و 424 کیشی گه ییتیشگن.
اونگه کوره، اوتگن بیر کیچه-کوندوز ده 173 کیشی کابل، 132 کیشی هرات، 68 کیشی خوست، 31 کیشی پکتیکا، 26 کیشی تخار، 16 کیشی فراه، 9 کیشی قندوز، 8 کیشی لوگر، 4 کیشی قندهار، 3 کیشی ننگرهار، 6 کیشی پنجشیر، 9 کیشی پکتیا، 19 کیشی دایکندی، 9 کیشی نورستان، 18 کیشی کنر، 6 کیشی بلخ، 4 کیشی هلمند و باشقه 5 کیشی ایسه سمنگان ده کرونا ویروس گه چلینگن.
ساغلیک وزیرلیگی ننیگ معلوماتی گه کوره، اوتگن بیر کیچه – کوندوز ده کرونا ویروسی گه چلینگن 21 کیشی جان بیرگن کیم بو رقم بیلن مملکتده کرونا ویروسی باعث هلاک بولگنلر سانی 569 کیشی گه ییتیشگن. شونینگدیک اوتگن 24 ساعتده کرونا گه چلینگن 330 کیشی دارولنگن کیم بو رقم بیلن دارولنگنلر سانی 8 مینگ و 292 کیشی گه ییتیشگن.
شونینگدیک دنیا ده حاضرگچه 8 میلیون و 758 مینگدن آرتیق کیشی کرونا ویروس گه چلینگن کیم بولردن 462 مینگدن آرتیغی هلاک و باشقه 4 میلیون و625 مینگدن آرتیغی ایسه دارولنگن.
