.jpg)
جنتبیبی، بیر اوغلی و ایکی نیبرهسینی پولیس کوچلری گه شامل قیلگن بیر آنه دیر، بیراق اوتگن ییل اوچاوی هم کفن و تابود ایچیده قیشلاققه قیتگنلر و قیشلاق تپهسینی بلند چوقیلریده توپراققه تاپشیریلگنلر. بو عیال تورموش اورتاغینی شورویلرنینگ دورانیده قولدن بیرگن و اوغلی بیلن نیبرهلری هلاک ایتیلگنیدن سونگ، یالغیز بار و یوقی بولگن اولتیرهدیگن اویینی ساتیش گه مجبور بولگن.
جنتبیبی یشهیدیگن قیشلاقنینگ آتی شمله دیر و قیشلاق ننگرهار ولایتینینگ بیر چیکهسیده جایلشگن. اوشبو قیشلاقنینگ کمیده 3 مینگ جمعیتی بار و بو یشاوچیلرنی قوروماق اوچون 60 عسکر تعیین اییتلگن. اوشبو قوروقچیلرنی آرهسیده بولگن جنتبیبینینگ ایتیشیچه، اوغلی و نیبرهلریدن قالگن 17 بالهنینگ آذیق-آوقتینی تأمینلش اوچون بو گروه گه قوشیلیشدن باشقه چارهسی یوق ایکن و حاضر شو یولدن قولگه کیریتگن حقوقی بیلن نیبرهلرینینگ قارینلرینی تویدیرهدی.
جنوری آییده جمهور رئیس غنینینگ ایتیشیچه، میلادی 2014- ییلدن بویان ملی اردو و ملی پولیس کوچلریدن 45 مینگ عسکر هلاک ایتیلگن. شونینگدیک، امریکا قوشمه ایالتلرینینگ کنگرهسیده امریکا ییریک قومندانی تامانیدن بیریلگن گزارش گه کوره، سونگی آیلرده اوشبو رقم کونده 30-40 اولیککه ییتیشهدی؛ امریکا حربی کوچلرینینگ اوشبو ییریک قومندانی، بو رقمنی «قبول قیلینمس» توصیف قیلگن.
باشقه تاماندن، تینچلیک سوزلشوولری کوپینچهلر اوچون امید توغدیرهدی، لیکن جنتبیبی کبی آنه و آتهلر اوچون بو سعی و حرکتلر بیمعنی کورینهدی. بو عایلهلر خواطردهلر و تینچلیک قندهیلیگینی بیلمهیدیلر. اولردن بیرقطاری، طالبان گروهینینگ قیتیشیدن قورقهدیلر و قدرت ده اولرنینگ سهم آلیشلریدن خواطردهلر. اولرنینگ خواطری گه کوره، آتیشکیسین اولرنینگ عایلهلریدن انتقام آلیش گه سبب بولهدی یا-ده عایلهلری آتیشکیسین دن سونگ، یگانه درآمد منبعلرینی قولدن بیرهدیلر.
.jpg)
شمله پولیس عسکرلرینینگ ایتیشیچه، اولر اولکهلرینی سیوگنلری باعث، عسکرلیکنی تنلهگنلر، بیراق بو وظیفهنی حقوقیدن کوز یومه آلمهیدیلر؛ چونکه شو وظیفه آرقهلی تیریکچیلیکلرینی اوتکزهدیلر.
53 یاشیدن بولگن آته ملک اجمیرخاننینگ اوغلی امنیتی کوچلرگه قوشیلگن. اونینگ ایتیشیچه، «بیزلر اولرنینگ حقوقی گه باغلیقمیز و بوندن باشقه درآمدیمیز یوق دیر.» اونگه کوره، قیشلاق اهالیسی یالغیز بوغدای ایکهدیلر و بو بیلن تیریکچیلیکلرینی تیبرهته آلمهیدیلر.
مملکت رسمیلری تامانیدن بیریلگن رقملر اساسیده، پولیس عسکرلری کوپلب قربانلیک بیرگنلر؛ چونکه اوروشلرده آز اشتراک قیلهدیلر و ملی اردو عسکرلری گه قرهگنده عصری حربی جهازلر بیلن جهازلنمهگنلر. طالبان گروهی تومنلرنی قمرهب آلگنده، پوستهلرده وظیفه قیلیب عسکرلرگه کوپلب زیان ییتیشهدی.
عین حالده، ننگرهار ولایتینینگ پولیس کوچلری سوزلاوچیلریدن بیری فرید خاننینگ ایتیشیچه، ینگیلیکده تعیین ایتیلگن یوزلرچه عسکر ایشلری باشلهنیشینی کوتیب تورگنلر و کونگیللی کیشیلر کوپهیگنی باعث، تشکیلات ایلگریدن کوره کوچلنگن.
جناب گلاحمد قندوز ولایتیده کوکاوت ساتهدی. اونینگ کونده 150 افغانی درآمدی بار. فرزندلرینی هلاک بولگنی او و اونینگ عایله اعضاسینی یورهگیده دارولنمس جراحت قویگن.
4 ییل آلدین قندوز ده اولخان ناملی بیر اوغلی خوفسیزلیک کوچلری نینگ پوستهسی اوستیگه اویوشتیریلگن هجومده هلاک بولگن. شونینگدیک، باشقه بیر اوغلی 4 آی آلدین طالبلر خوفسیزلیک کوچلرینینگ پوستهسی اوستیگه هجوم اویوشتیرگن چاغده، 14 یولداشی بیلن هلاک ایتیلگن.
بیراق، جناب گلاحمدنینگ باشقه 5 اوغلی حاضرگهقدر ملی اردو تشکیلاتیده ؛ او، تینچلیک تأمینلنگن صورتده، ملی اردو ترقهلیشیدن خواطرلنهدی. اونینگ ایتیشیچه، دولت اردونی بیکار قیلگن صورتده، طالبلر اولرنینگ اولدیریشی ممکن.
.jpg)
گلاحمدنینگ کوپهیتیریشیچه، فرزندلرینی هلاک بولگنیدن کیین دولت تامانیدن 3 مینگ دالر یاردم بیریلگن. بیراق او ایکی تورموش اورتاق، فرزندلری نینگ ایکی بیوهسی و 19 باله شامل بولگن بیر کتته عایلهنینگ نان کیتیروچیسی دیر. اونینگ ایتیشیچه، تینچلیک نی خوش قرشیلهیدی چونکه تینچلیک کیلگن صورتده باشقه هیچ بیر اوغلی نی قولدن بیرمهیدی.
جنت بیبی نینگ ایتیشیچه، او هردایم عایله اعضالریدن بیریسی نی قولدن بیریش اوچون خواطرگه ایکن، بیراق هیچ قچان اویینینگ اوچ یاش ایرککی نی بیرجایی توپراققه قوییش نی فکر قیلمهگن ایکن.
جنت بیبی نینگ ایتیشیچه، عزیزلرینی قولدن بیریش جوده هم دردلی بولگن، بیراق اوشبو جراحت یانیده فخر حسی بار، «اولر مملکتینینگ یولیده جان بیرگنلری اوچون فخرلنهمن. مین 5 نیبره و 3 چیبرهم نی خوفسیزلیک کوچلری صفیگه قوشیلیب مملکت نی نجات بیریش اوچون ترغیب ایته من.»
بیراق جنت بیبی فرزندلرینی قولدن بیریش دردی نی اونوتالمهیدی، اونینگ ایتیشیچه: «مین امید قیلر ایدیم کیم یاش بولیب حربیلر قطاریده قوشیلیب بالم و نیبرهلریم نی انتقامی نی آلسم.»
سلیمان جنت بیبی نینگ 12 یاشر بالهسی دیر. او هردایم سلیمان نینگ حربیلر قطاریده قوشیلیب و عایله اعضالری نینگ انتقامی نی آلیش اوچون ترغیب ایتهدی.
سلیمان دن ملی اردو کوچلریگه قوشیلهسن می دیب سورهلگنده؛ او، یومشاق و سیکین سیسی بیلن بلی دیدی.
قیناق: نیویورک تایمز
تیلماچ: شبنم خلیلیار
