.JPG)
دلو آیینینگ اونینچیسی تقاعدگه چیققنلر ملی کونی. بوبیلن بیرگه مملکتنینگ تقاعدگه چیققن قتلمیگه کوره، حکومت بیر ییلدن بیری بولرنینگ آیلیگینی تولمهگن.
شونینگدیک بولرنینگ سوزلریگهکوره، حکومت تقاعدگه چققنلرگه اعتبار بیرمسلیکدن علاوه مناسبت حقوق نظرده توتمهگن.
افغانستان اجتماعی ایشلر وزیرلیگی « تقاعد خزینه ریاستی» کونده اونلب کیشی تقاعدگه چیققنلرنینگ گواهی بولهدی. مذکور شخصلر بو ییرگه آیلیک قولگه کیریتیش اوچون باش اورهدیلر. لیکن، آیلیکلرینی قولگه کیریتمسدن اویگه قیتهدیلر.
بوگون دلو آیینینگ اونینچیسی تقاعدگه چیققن قطار شخصلر اوشبو ریاستگه بارگن، اولر حکومتدن آیلیکلرینی تولشنی سورهیدیلر.
تقاعدگه چیققنلردن بیری محمدغوثنینگ سوزلریگهکوره، 10 ییل خذمت قیلگنلر ایکّی لَک معاش آلهدی؛ اما، بیزدیک انسانلر 30 ییل دولتگه خذمت قیلگنمیز حاضر قارننی تویدیره دیگن قوروق نانگه محتاج میز.
تقاعدگه چیققنلردن باشقه بیرنینگ حکایه قیلیشیچه، تورت آیدن بیری تقاعدگه چیققنلرگه تیگیشلی ادارهگه بارمن؛ بیراق هنوز گچه آیلیگیمنی قولگه کیرتیشگه موفق بولمهگن من. اونگه کوره، بو ادارهنینگ رسمیلری، مراجعه قیلگنلرنی اداره مه اداره چاپتیرهدی.
بوندن آلدین هم تقاعدگه چیققنلرگه تیگیشلی اداره ده ایش سیزلیک، فساد و آیلیکنی تیزگه بیرمسلیک بارهسیده بیر نیچه مرته اعتراضلر چیققن ایدی. شونینگدیک مذکور ادارهنینگ ملازملری بوندن اوچ ییل آلدین تقاعدگه چیققنلرنی آیلیگی کمپیوتر آرقهلی تولهنیلیشیدن سوز بیرگن ایدیلر. لیکن بو لایحه هنوزگچه عملی بولمهگن.
شونینگدیک بوندن بیر ییل آلدین اجتماعی ایشلر وزیری خانم اوریاخیل، تقاعدگه چیققن معاشی وقتیده بیریلیشی ینه اداری فساد آلدی آلینیشی اوچون حاضرگی کمپیوتری سیستمنی بایومتریک سیستمگه اوزگرتیریشدن سوز بیرگن ایدی.
افغانستان اجتماعی ایشلر وزیرلیگینینگ حساباتیگه کوره، حاضرگی کونده 200 مینگ تقاعدگه چیققن بار.
