.jpg)
بادغیس ولایتیده برق ریاستی مسؤوللری نینگ ایتیشیچه، مذکور ولایت مرکزی قلعۀنور شهری گه ترکمنستاندن کیلهدیگن برق لینلری اوتگن ییل یاز موسومی ده باغلنگن ایکن، بیراق اوشه زماندن بویان طالبان گروهی 6 مرته اوشبو لینلرنی کیسگن و بو لینلردن ایریم قسمتی گه زیان ییتیشگن.
سلاموطندارگه صحبت بیرگن بادغیس ولایتی برق ریاستی باشلیغی محمدطاهر عظیمی نینگ ایتیشیچه، مذکور ولایت گه ترکمنستاندن کیلهدیگن برق لینلری طالبان گروهی تامانیدن کیسیلیشی بو ریاست گه کوپلب مالی زیان ییتکیزگن.
بادغیس ولایتی برق ریاستی گه کوره، برق لینلری قیتهدن باغلهنیشی اوچون امکانیت یوقلیگی و برق یوقلیگی باعث، اهالی تامانیدن صرف ایتیلگن برق پولی توللنمهسی مذکور ریاست نینگ اساسی قیینچیلیکلریدن سنلهدی.
جناب عظیمی نینگ ایتیشیچه، طالبان گروهی بادغیس شهری گه ترکمنستان برقی اوتکزیلهدیگن 21 قیشلاققه برق بیریلیشینی طلب قیلگن. اونینگ ایتیشیچه، تیزلیککه بو قیشلاقلرگه برق بیریلهدی، بیراق احتمال باریچه بو قیشلاقلرنی اهالیسی صرفلهگن برق پولینی توللمهیدیلر.
شونینگدیک، بادغیس ولایت کینگشی اعضالری و مدنی فعاللریدن بیرقطاری، طالبان گروهی دن عمومی پروژهلردن باسقین شکلده فایدهلنمسلرینی سورهگن.
بادغیس ولایتی بوییچه برق ریاستی مسؤوللریگه کوره، مذکور ولایت مرکزی قلعۀنو شهری گه ترکمنستاندن 14 میگاوات برق انتقال بیریلگن و بو برق دن 6 مینگ عایله فایدهلنهدی.
