پروان ولایتیده افغانستان معارفی گه یاردم مکتب اوقیتووچیلری و اوقووچیلریدن اونلرچهسی، مذکور ولایت نینگ معارف ریاستی برابریده ناراضیلیک بیلدیرگنلر. مذکور مکتب اوقیتووچیلری نینگ ایتیشیچه، بیر یریم ییلدن بویان آیلیکلری توللنمهگن.
پروان ولایتیده افغانستان معارفی گه یاردم مکتب مدیری پرستو حبیبی نینگ ایتیشیچه، 18 آیدن بیری آیلیک آلمهگن و معارف ریاستی هم بو توغریده هیچ بیر ایش قیلمهگن. اوشبو مکتب اوقیتووچیلری بو موضوع توغریسیده پروان معارف باشلیغی نی دقتسیزلیککه عیبلیدی.
شونینگدیک، اوشبو مکتب اوقووچیلری نینگ ایتیشیچه، بیر آیدن کوپراق بولهدی کیم، تقدیرسیزلیککه قرار تاپگنلر و پروان معارف ریاستی مسؤوللری نینگ بویروغی اساسیده، مکتب گه کیره آلمهیدیلر.
پروان ولایتیده افغانستان معارفی گه یاردم مکتب اوقیتووچیلری و اوقووچیلری نینگ آگاهلنتیریشیچه، دولت اولرنینگ قیینچیلیکلریگه دقت قیلمهگن صورتده، کینگ ناراضیلیک نمایشلرگه قول اورهدی.
پروانده افغانستان معارفی گه یاردم مکتب اوقیتووچیلری و اوقووچیلریدن بیرقطاری، ناراضیلیککه قول اورگن بیرچاغده، جمهور رئیس غنی، اوتگن ییل قوس آییده مذکور مکتبلر بیلن باغلنگن شرطنامه لغو ایتیلیشی خصوصیده فرمان صادر قیلگن ایدی.
جمهور رئیس غنی تامانیدن معارف وزیرلیگی گه بیریلگن بویروغ اساسیده، افغانستان معارفی گه یاردم مکتبلرینی اوقووچیلری سواد اورگهتیش اورین باسرلیک چارچوبهسیده جذب ایتیلیب و مذکور مکتبلرنی اوقیتووچیلری دولتی مکتبلرده تعیین ایتیلیشی کیرهک.
افغانستان معارفی گه یاردم قوریلمهسی بیش ییل آلدین معارف وزیرلیگی بیلن قول قویگن شرطنامه اساسیده، 10 یاشردن یوقاری، یاش، مدنی و ایچکی اوروشلر قیینچیلیکلری باعث اوقیشدن محروم قالگن قطار قیزلر و عیاللرنی اورگتیش و تربیهلش بیلن تأمینلیدی.
بیراق، پروان معارف ریاستی مسؤوللری، معارف گه یاردم مکتب اوقیتووچیلری و اوقووچیلری نینگ ادعالرینی رد قیلگن.
پروان معارف ریاستی باشلیغی عبدالظهور حکیم نینگ ایتیشیچه، مذکور مکتب نی برچه اوقیتووچیلری نینگ آیلیکلری توللنگن و اوقووچیلری سواد اورگتیش مرکزلریگه جذب ایتیلگن و بو توغریده هیچ بیر قیینچیلیک یوق دیر.
پروان معارف ریاستی باشلیغی کیمسه دن آت توتمهیدی، بیراق ایتیشیچه، بو ناراضیلیکلر باشقهلر تامانیدن ریجهلنهدی.
شو توغریده…
پروان معارف ریاستی نینگ ایشلاوچیلری، مذکور اداره باشلیغی نی فسادگه عیبلگن
