د ولنسیا او بارسلونا فوټبال کلپونو ترمینځ د څوارلسمې اونۍ لومړۍ لوبه په مساوي توګه پای ته ورسیده.
د(بی بی سي) د راپور له مخې، چې د فوټبال نړۍ د مخکښه او مشهور فوټبال کلب (بارسلونا) خلاف د ولنسیا لوبډلې د مساوي ګول کولو له کبله له خوشحالۍ د یوه مینه وال په مرګ لوبه پای ته ورسیده.
د راپور له مخې چې د ولنسیا لوبډلې د سانټي مینا لخوا د لوبې د پای ۴ د قیقې وړاندې په ۸۶ مه د قیقه کې د لوبې مساوي کولو ګول ترسره کړ او په لوبغالي کې یې غوغا جوړه کړه.
د زرګونه نندارچیانو لخوا د لوبې مساوي کولو خوشحالۍ لمانځلو په پایله کې یو۴۵ کلن مینه وال په لوبغالي کې دنورو مینه والو تر پښو لاندې شو او ومړ.
د راپورونو له مخې چې ډاکټرانو د ولنسیا فوټبال لوبډلې د مینه وال د ژوغورلو هڅې وکړې خو نوموړی یې له مرګ څخه ونه ژغورل شو.
د هسپانیې د روانو لالیګا سیالیو مخکښې بارسلونا او ولنسیا فوټبال لوبډلو ترمیڼځ دغه سیالۍ تیره (شنبه) د ولنسیا په (میسټالا) فوټبال لوبغالي په کوربتوب ترسره شوه، چې ۵۵ زره نندارچیانو په لوبغالي کې ننداره کړه.
د ولنسیا فوټبال کلب د بارسلونا په وړاندې د مساوي لوبې په پای کې د یوې خبرپاڼې په خپرولو سره د خپل یوه نندارچي په مړینه خواشیني ښودلې ده او د نوموړي له کورنۍ او خواخوږو سره یې دخپلې خواخوږۍ پیغام شریک کړی.
