بادغیس محلی رسمی‌لری ولایت پولیس رسمی‌لریدن 7 ته‌سی و بیر ملکی طالبلرگه اوق ساتیش عیبیده قولگه آلگن لیگیدن خبر بیره‌دی. اولرگه کوره، تخنیک آمری، پولیس اوق وقورال ییغینی مسؤولی باشقه بیش پولیس قومندانلری قوشیمچه بیر ملکی طالبلرگه کلاشینکوف اوقلرینی ساتیشده عیبلنیب بادغیس ملی امنیت کوچلری تامانیدن قولگه آلینگنلر.
بادغیس والیسی نینگ سوزلاوچیسی ظاهر بهاند نینگ سلام‌وطندارگه ایتیشیچه، قولگه آلینگلر بوگون کلاشینکوف اوقلریدن 5580 ته‌نی پولیس مرکزیدن چیقاریب و طالبلرگه ساتیش پیتیده قولگه آلینگنلر.
جناب بهاندنینگ ایتیشیچه، قولگه آلینگنلر تورت آی جریانیده 75 مینگ اوقنی قلاب کارلیکلر بیلن پولیس دیپوسیدن چیقاریب آز بها بیلن طالبلرگه ساتگنلر.
بهاندنینگ کوپه‌یتیرشیچه، بو 8 کیشی دوسیه‌سی تیزلیکده باشقره‌لاوچلیک اداره‌سیگه یوباریله‌دی.
بادغیس پولیس قومندانی عبدالرووف تاش نینگ خبرنی تأیید قیلیب ایتیشیچه، قولگه آلینگنلردن 7 ته سی پولیس منصبدارلری و باشقه بیری تینچ اهالی بولگن که 5 ییلدن بیری طالبلرگه اوق ساتیب کیلماقده ایکنلر.
جناب تاج گه کوره، کمال ناملی قولگه آلینگن تینچ اهالی کابل شهری نینگ تورتینچی ناحیه‌سی یشاوچیسی ایکن، اوقلرنی ییغیشتیریب طالبلرگه تاپشیریش مسؤولیتی کمال نینگ بوینیگه ایکن.
بادغیس پولیس باشلیغی نینگ ایتیشیچه، قولگه آلینگن شخصلر اوز جرمینی قبول قیلگن.
