بادغیس اهالیسیدن بیرقطاری ناراضلیک نمایشلرنی یولگه قوییب، حکومتدن بو ولایتگه دقت قیلیشینی سورهگنلر.
اولر، بیزلر ملی بیرلیک حکومتیدن فاسد کیشیلر توتقونگه آلینیشی، قتناو یوللر توزهلیشی، سوو، برق و امنیت کیلتیریش اوچون اوز حصه میزنی ایستهیمیز دیگن شعارلری بیلن؛ تیزلیکده مرکزی حکومت ایستکلریمیزگه ییتیشمهگن صورتده مملکت شمال- غرب قتناو یوللرینی ترافیک یوزیگه یاپه میز دیگن هشدارینی بیرهدیلر.
ناراضچیلرنینگ ایتیشیچه، بادغیس اهالیسی، هردایم مرکزی دولتنینگ تعصبلی و قومگرالیک سیاستلریگه قربان بولگن و اوتکن 13 ییل جریانیده، بو ولایتده هیچ قنقه بیر ایجابی ایش عملگه آشیریلمهگن.
ناراضچیلرگهکوره، ترکمنستان اولکه سیدن قلعه نو شهریگه برق کیلتیریش، ایچیلهدیگن سووی پروژهسی و حلقوی سرک ایشی قیتهدن باشلهنیشی بادغیس اهالیسی اوچون اساسی لایحهلردن بولیب، نیچه ییل آلدین باشلنگن ایدی، بیراق حاضرگه قدر یکونلنمهگن.
ناراضچیلرنینگ کوپهیتیریشیچه، اوتکن 10 ییلده، مرکزی دولت و خلق ارا یاردم بیروچی ادارهلر تمانیدن مذکور ولایتده هیچ بیر اساسی ایش عملگه آشیریلمهگن.
اوشبو ناراضلیک نمایشگه اشتراک ایتکن ولایتی کینگش عضوی محمدناصر نظرینینگ ایتیشیچه، ناکارا مسؤوللرگه قرشی ناراضلیک بیلدیریش خلق حقی دیر. اهالی بوندهی ناراضلیکلر آرقهلی حکومت دقتینی جلب ایتهدیلر.
بادغیس ولایتی کینگش عضوینینگ کوپهیتیریشیچه، دولت تیزلیکده بو ولایت یشاوچیلرینینگ ایستکلریگه ایجابی جواب بیرمهگن حالده، اولر مملکت حلقوی قتناو یولینی یاپهدیلر.
بوندن آلدین هم بادغیس اهالیسی، مذکور ولایتده قیته قوریش پروژهلر ایشی تیزلیکده ایلگری بارمهگنی توغریسیده ناراضلیک بیلدیرگن ایدیلر، لیکن حاضرگه قدر نتیجه بیرمهگن.
