فراه ولایتی نینگ محلی بلند مرتبهلی رسمیلری، ایران دولتیگه قرهشلی بیر تیک اوچر طالبان کنترولیده بولگن منطقهگه قونگن لیگی بارهسیده خبر بیردیلر.
اولر، مذکور تیک اوچر جمعه کیچهسی ساعت ایکّیده افغانستان توپراغیگه اوتیب فراه نینگ قلعه کاه تومنیگه قونگن دیگنلر.
ولایت کینگشی نینگ باشلیغی جمیله امینی، قولگه کیریتیلگن دستلبکی گزارشلرده، چمهسی ایکّی ساعت تومنده بولگن اوشبو تیک اوچر جنگری طالبانگه قورال اسلحه ییتکزیب بیرگن دیگن.
خانم امینی، ایران دولتیگه قرهشلی تیک اوچر منطقه گه قونگندن ایکّی ساعت سونگ اوشبو تومنده جنگری طالبان نینگ هجومی شدتلشگن لیگینی تیگله آلگن. جنگری طالبان بیلن ملی کوچلر اورتهسیده یوز بیرگن اوروشده ملی کوچلرنینگ 3 حربیسی قربان بولگن.
فراه ولایت کینگشی نینگ باشلیغی ایران دولتی طالباننی حمایت قیلیشیدن خواطر بیلدیرگن. او، حکومتدن طالبلر بیلن رسمی تهران نینگ مناسبتی توخته تیلیشینی تکلیف قیلگن.
فراه ولایتی والیسی نینگ سوزلاوچیسی ناصر مهری، بو خبر اهالی آرقهلی ترقه تیلگن بو خصوصده تحقیقات باشلنگن دیدی.
ملی کوچلرنینگ ایکّی پوستهسیگه بولگن هجومنی تصدیق لب، طالبلرنینگ هجومی شدتلشگن لیگی خصوصیده ایران تیک اوچرلری همکارلیگ قیلگن لیگی حقیده هنوز معلوماتگه ایگه ایمسلیکلرینی بیلدیردی.
افغان امنیتی پوستهلریگه طالبان هجوم قیلگن لیگینی اعتراف ایتگن ولایت پولیس سوزلاوچیسی، آتیشمه جریانیده 6 عسکر و 5 طالب هلاک بولگن و 9 عصیانچی تن جراحتی آلگن دیدی.
هرات ولایتیده ایران وکالتخانهسی نینگ رهبری محمود افخمی نینگ سوزلریگه کوره، رسمی تهران افغانستان بیلن اورتاقلیک چیگرهگه ایگه؛ هیچ بیر زمان ایران افغانستان توپراغیده جنگریلرنی حمایت ایتمهیدی.
جاری ییل ثور آیی نینگ 18- ده هم ایکّی تیک اوچر سرپل ولایتیده طالبان تصرفیده بولگن منطقه گه قونگن ایدی. شونینگدیک بو واقعهدن 12 کون سونگ نا تانیش بیر تیک اوچر بغلانده جنگری طالبان اشغالیده بولگن منقطهگه قونیب 20 دقیقه بو ییرده بولگن ایدی.
