ایلچی‌خانه‌لر سیلاو جریانیده اره‌لشمه‌سی کیره‌ک
بوگون «دوشنبه» کابل‌ده خبری بیر ییغین اوتکزگن جمهورلیک ریاست سیلاوی نینگ نامزدلریدن بیری رحمت‌الله نبیل، افغانستان بوییچه ایلچی‌خانه‌لر و خلق ارا اداره‌لریدن سیلاو جریانیده اره‌لشمس‌لرینی سوره‌دی.
افغانستان بوییچه ایلچی‌خانه‌لر و خلق ارا اداره‌لریگه خطاب جمهورلیک ریاست سیلاوی نینگ اوشبو نامزدی نی ایتیشیچه، افغانستان اهالیسی ایلچی‌خانه‌لر و خلق ارا اداره‌لری سیلاو جریانیده اره‌لشگنینی حس قیلگن صورتده، اولرگه نسبتن ایشانچ‌لرینی قولدن بیریشه‌دی.
جناب نبیل نینگ کوپه یتیریشیچه، اوتگن هفته سیلاو کمیسیونی نینگ اعضالریدن بیری، مذکور کمیسیون نینگ بوتون کمیشنرلرینی اویی گه چقیرگن و شونینگدیک، حکومت نینگ ییریک وزیرلریدن بیرقطاری، تورلی بهانه‌لر بیلن بو مهمانلیک‌ده اشتراک قیلیشگن.
عین دمده، مملکت نینگ سابق جمهور رئیسی حامد کرزی نینگ مطبوعات دفتری، بیر خبرنامه ترقه‌تیب حامد کرزی افغانستان بوییچه بیرلشگن ملت‌لر تشکیلاتی نینگ نماینده‌سی تدامیچی یاماموتو بیلن اوچره‌شگنیدن خبر بیرگن.
اوشبو خبرنامه‌ده کیلیشیچه، مملکت نینگ سابق جمهور رئیسی، افغانستان بوییچه سیلاو جریانیده چیت‌ایللیک‌لر اره‌لشیشی دن خواطر بیلدیریب و بیرلشگن ملت‌لر تشکیلاتیدن سیلاو جریانیده طرفسیزلیک‌لرینی سقلب و اهالی اراده‌سی گه حرمت قیلیشی‌نی سوره‌گن.
شو توغریده…
نبیل: ولایت‌لردن بیرقطاری‌نینگ والی‌لری اشرف غنی‌نینگ نفعی‌گه تقلب قیلیشگن
