زمان اوتیشی بیلن کابل اعتراضچی‌لری سانیگه آرتیریلیب و شهر ایریم منطقه‌لریده دادخواه‌لیک چادری تیکیلماقده.
اعتراضچی‌لر آلتینچی کونیده ایستکلریگه تأکید قیلیب ایتیشلریچه، اولر حکومت بیلن مزاکره قیلمه یدیلر. اعتراضچی‌لرنینگ ایتیشیچه، ایریم ولایتلرده هم کابل معترضلریدن حمایت قیلیب چادر قوریشلری ممکن.
کابل شهری‌نینگ بهارستان منطقه‌سیده‌گی تحصن چادری مسوولی امین امینی‌نینگ ایتشیچه، اعتراضچی‌لرنی ییغشتیریش اوچون «اوزگریش قوزغلانی جنبشی» نامیده اعتراضلرینی دوام بیره‌دی.
جناب امینی ایستکلری حقیقتگه اوزگرمه گونگه قدر اوز اعتراضلرینی دوام بیره‌دی و کابل شهری نینگ ایریم منطقه‌سیده چادر تیکه دیلر.
جناب امینی‌نینگ کوپه‌یتریشیچه، اوزگریش قوزغلان جنبشی یشاوچیلر تامانیدن بولگن و هیچ قنده‌ی بیر حزب و سیاسی گروه گه تیگیشلی ایمس و بولر یشاوچیلر حقی تأمین ایتیلیشی اوچون اعتراض بیلدیرگنلر.
اوزگریش قوزغلان جنبشی‌نینگ اعضالری کابل‌نینگ باشقه نقطه‌لریده چادر تیکماقده‌لر، ایتیشلریچه، اعتراضچی‌لر ایستکلری عملگه آشیریلمه گونگه قدر ناراضلیکلر دوام قیله‌دی.
اوشبو جنبش چهارشنبه کونگی قانلی ترورستی هجوم‌گه قره‌ته ایجاد قیلینگن که ساغلیقنی سقلش وزیرلیگی‌گه کوره، مذکور هجومده ۸۰ دن آشه کیشی جان بیرگن و ۴۰۰ کیشی یره‌لنگن.
ملی بیرلیک جمهور رییسی و اجراییه باشلیغی ایشدن آلینیشی، امنیتی وزیرلر ایشدن آلینیب محکمه بولیشی، ملی امنیت مصلحت‌چیسی و کابل گارنیزیون قومندانی ایشدن آلینیشی اعتراضچی‌لرنینگ اساسی ایستکلریدن سنله‌دی.
