لوگر ولایتینینگ قطار مدنی فعاللری و یشاووچیلریگه کوره، اوچ ییلدن بیری مذکور ولایتده هیچ بیر دوسیه آچیق روشده تیکشیریلمهگن.
اولر بوگون (شنبه) لوگر ولایت مرکزی پلعلم ده بیر خبر ییغین اوتکزیب، ولایت استیناف محکمهسینی پاره آلیش بیلن سیاسی و جرمی دوسیهلرنی اخبارات واسطهلری کوزیدن یاپیق ایشیکلر آرتیده قرارآله دیلر.
ایرکین خبرچی احسانالله مهجورنینگ سوزلریگه کوره، کوپینچه سیاسی محبوسلرهم 9 مینگ دالر پاره بیریش بیلن تورمه دن چیقاریله دیلر.
اونینگ ایتیشیچه، کوپراق پولی بولمهگن محبوسلر تورمهدن چیقیشلری روزغار اسبابلرینی ساتیشگه اولگوره دیلر.
باشقه بیر خبرچیسمیع الله پیوند نینگ بیلدیریشیچه، لوگر استیناف محکمهسی بیر قنچه سیاسی دوسیهلرنی یاشیرون طرزده فیصله قیلهدی.
لوگر مدنی جماعهچیلیک فعالی داکتر موسا محمدی، نیچه ییلدن بیری ولایتده هیج بیر مجرم آچیقلهین محاکمه بولمهگن دیگن.
محمدی نیچه مرته محلی حکومت رسمیلردن، دوسیهلر جدی و آچیق لهین شکلده تشکشیریلیشینی سورهگنلر.
ولایت مدنی جماعهچیلیک ادارهسی فعاللری، انه شو سبب هم اهالی طالبلرنینگ صحرایی محکمهسیگه یوز کیلتیرهدی دیگنلر. شونینگدیک ولایت محمکهلریده اداری فساد کوککه کوتاریلگن لیگی تاکیدلنهدی.
ییغینده اشتراک قیلگن ولایت والیسی محمد حلیم فدایی، طالبلر صحرایی محکمهسیگه یوز کیلتیریش ناقانونی و حشیانه بیر حرکت دیگن.
جناب فدایی، برچه قرارلر ولایتنینگ عالی محکمهلریده قرار آلینگن لیگینی بیلدیرگن.
عین حالده، لوگر استیناف محکمهسینینگ باشلیغی قاضی حقیقالرحمان حقمل مذکور عیب لاولرنی رد قیلیب، برچه دوسیهلر اساسی قانونگه موافق حل ایتیلهدی دیگن.
جناب حقمل، جنایی و سیاسی قضیهلر مجرملرینینگ کیملیگی فاش ایتیلمسلیگی خانه دانلری تامانیدن سورهلگنی اوچون اخبارات واسطهلر نظریدن سیر روشده اوتکزیلهدی دیگن.
شونینگدیک افغانستان جمهور رییسی اوتگن هتفه افغانستاندهگی فسادنی ملی اویت دیب، بو توغریده جدی سعی حرکت قیلیشنی بیلدیرگن ایدی؛ لیکن تحلیلچیلرگه کوره، اهالی بو نرسه عملگه آشیریلیشی اوچون خوش بین ایمسلر.
