تخار ولایتینینگ مرکزی تالقان شهری و قندوز ولایتینینگ خانآباد تومنینینگ 10 کوندن بویان برقی یوق دیر. تالقان شهری یشاوچیلرینینگ ایتیشیچه، برق یوقلیگی کوپینچه قیینچیلیک ایجاد قیلگن و قندوز ولایتینینگ آقتاش منطقهسیده قوراللی طالبلرگه قرشی حربی عملیات یولگه قوییلیب و برق قیتهدن باغلهنیشی کیرهک.
اون کون آلدین قندوز ولایتینینگ آقتاش تومنی چوپان منطقهسیده تاجیکستاندن تخار ولایتی گه کیلهدیگن برق لینی طالبلر تامانیدن کیسیلگن و برق لینی قیتهدن باغلهنیشی اوچون شرط قویگن.
تخار ولایتی برشنا شرکتی باشلیغی محمد مومندنینگ ایتیشیچه، قوراللی طالبلرنینگ نظارتلریده بولگن منطقهلرده حربی عملیاتلر توختهتیلیشی، برق ترقهتیلیشی، فیزیکی شکلده اوقیتووچیلرگه آیلیک بیریش و آقتاش منطقهسیده نیچه اقتصادی پروژه قیتهدن باشلهنیشی، تخار برقی قیتهدن باغلهنیشی اوچون طالبلرنینگ شرطلری بولگن.
مومندنینگ ایتیشیچه، طالبلر بیلن اوتکزیلگن سوزلشوو هیچ بیر نتیجه بیرمهگن و برق لینی باشقه بیر یولدن باغلهنیشی توغریسیده سعی و حرکت دوام ایتماقده.
برشنا شرکتی و طالبلر آرهسیده یوز بیرگن قرهمه قرشیلیک قندوز ده برشنا ریاستی ایشلاوچیلریدن بیری هلاک ایتیلگنیدن سونگ، باشلندی. اوشبو موضوع نتیجهسیده، تاجیکستاندن کابل و تخار ولایتی گه کیلهدیگن برق لینی طالبلر تامانیدن کیسیلدی.
