بوگون «سهشنبه» کابلده خبری بیر ییغینده بادغیس مدنی جماعهچیلیک مسئووللری نینگ ایتیشیچه، بادغیس حاکمی ظرفیتسیز دیر و اونینگ چیکلهنیشی کیرهک.
بادغیس مدنی جماعهچیلیک نهادلری باشلیغی مبارکشاه ثاقب نینگ ایتیشیچه، بادغیس حاکمی نینگ ظرفیتسیزلیگی باعث مذکور ولایت خوفسیزلیک وضعیتی جوده یمان بولگن.
اونگه کوره، بادغیس حاکمی نینگ 2 ییل حکومتی آقیمیده اوشبو ولایت نینگ یالغیز 10 فایز ییری حکومت نظارتیگه قالگن.
بادغیس مدنی جماعهچیلیک نهادلر اورین باسری سلطان احمد شیخ الاسلامی نینگ ایتیشیچه، 12 آیدن بویان اوشبو ولایت تومنلریدن قطاری نینگ قتناو یوللری باغلیق دیر.
اونگه کوره، یول یاپیقلیگی باعث مذکور ولایت نینگ قطار تومنلریده، آذیق-آوقت بهاسی یوقاری کیتگن.
شو توغریده:
- بادغیسده امنیتی کوچلردن 500 تهسی قمراوگه آلینگن
بادغیس؛ امنیتی ادارهلرنینگ اویغونسیزلیگی باعث، اونلرچه کماندو قربان بولگن
بادغیس مرکزی اوستیگه طالبان گروهی هجوم قیلگن
بیراق بادغیس حاکمی عبدالغفور ملکزی نینگ سلاموطندارگه ایتیشیچه، اوشبو ولایت امنیتی کوچلری هردایم تیار تورگن و تومنلردن هیچ بیری نینگ قتناو یولی باغلیق ایمس.
بادغیس حاکمی، مذکور ولایت مدنی جماعهچیلیک اعضالرینی طالبان بیلن همکارلیک قیلیش گه عیبلهیدی.
بادغیس مدنی جماعهچیلیک نهادلری مسئوللری نینگ کوپهیتیریشیچه، ملی بیرلیک حکومت اوشبو ولایت قیته قوریلیشی اوچون هیچ قندهی توجه قیلمهگن و مذکور ولایت حلقوی یولی 8 ییل جریانیده 5 مرته افتتاح بولگن، بیراق اونینگ یالغیز 3 کیلومتری قیر بولگن.
