بلخ ولایتیده 24 یاشر بیر عیال اوچ یاشر و تورت یاشر بولگن ایکی بالهسینی آپارتماننینگ بیشینچی قبتیدن قوییگه تشلهگن و اوندن کیین اوزی خودکشلیککه قصد قیلگن.
اوشبو قضیه قارهلاوچیسی فوزیه حمیدینینگ ایتیشیچه، مذکور عیالنینگ ایری آلتی آی آلدین امریکا کیتگن و زمان اوتیشی بیلن ایری امریکاده باشقه بیر عیال بیلن تورموش قورگنی معلوم بولگن و بو خبرنی ایشیتگنیدن کیین عیال خودکشلیککه قصد قیلگن.
اوشبو عیالنینگ اوزی هیچ نرسهنی ایسله آلمهیدی و کورینیشیچه «حافظهسینی» قولدن بیرگن. عین حالده، ایناغهسینینگ ایتیشیچه، سینگلیسی روحی بیر کسللیککه چالینگن ایکن.
بلخ کسلخانهسینینگ باشلیغی داکتر شفیقنینگ ایتیشیچه، اولرنینگ تیکشیروولریگه کوره، بو عیال هیچ بیر روحی کسللیککه چالینمهگن. داکتر شفیقگه کوره، بو عیالنینک کوپینچه ییرلری سینگن و یمان وضعیتده قرار تاپگن، بیراق بالهلرینینگ احوالی یخشی بولگن.
بلخ مدنی فعاللریدن بیری نیلوفر سیار، حقوقی و عدلی ادارهلرنی بوندهی قضیهلر خصوصیده، دقت سیزلیککه عیبلب ایتیشیچه، اوتگن بیر هفته جریانیده بو اوچینچی خودکشلیک واقعه بولگن و باشقه ایکی تهسی حیاتیگه نقطه قویگن.
اوشبو واقعه بوگون ایرتهلب مزارشریف شهریدهگی بلخ صفا آپارتمانلریده یوز بیرگن.
