.JPG)
قندهار ولایتی نینگ دامان تومنیده چمهسی 500 گودک اورگهنیشدن محروم قالگن.
قندهار ولایتی دامان تومنی ملنگکاریز منطقهسی نینگ یشاووچیلری، منطقهلریده مکتب یوقلیگیدن نالیگنلر. مکتب باریش شرایطیگه ماس قیز و ایرکک بالهلر تعلیم و تربیهدن بحرهسیز قالگن ایتیلهدی.
اهالی، بالهلرینینگ کیلهجگیگه نسبتن تشویشده ایکنلیکلرینی تیلگه آلگن. اولر، دولتدن بو توغریده اعتبار قرهتیشنی طلب ایتگنلر.
دامان ولسوالیگی ملنگکاریز منطقهسی نینگ مَلکی لالاحاجی، منطقهده مکتب قوریلیشی اوچون اهالی تامانیدن بیر مرته معارف ریاستیگه تکلیف نامه یازگنلر، لیکن هلیگیچه هم بو خصوصده اعتبار قرهتیلمهگن دیدی.
منطقه قوم بویوکلریدن محمدرحیم اهالی بالهلری اوچون مکتب قوریب بیریش حکومت نینگ وظیفهسی دیر، معارف وزیرلیگی ایستهگیمیزگه ایجابی جواب بیریشی لازم دیگن.
منطقه یشاووچیسیگه کوره، ملنگکاریز قیشلاغیده 900 عیاله حیات کیچرهدی. بو خانهدانلرنینگ اونلب نسلی سوادسیز تربیه لنگن.
منطقه اهالیسی نینگ اساسی کسبی ایکینچیلیک دیر. اما، خلق ایسه بوندن بویان فرزندلری سوادلی بولیشنی ایستهگنلر.
قندهار معارف ادارهسی نینگ مطبوعات بولیمی مسوولی نظرمحمد صمیمی موضوعنی تصدیقلب، دامان تومنی نینگ ملنگکاریز منطقهسیده قیشلاقی صنفلر تاسیس قیلگنلیکلرینی ایتگن. بو منطقه نینگ بالهلریگه حاضر تورتینچی صنفگه قدر درس اوقیش شرایطی یرهتیلگن دیدی صمیمی.
رسمی حساب کتابلرگه قرهگنده هنوز هم قندهار بویلب 100 دن آرتیق مکتب نینگ ایشیگی اوقووچیلر یوزیگه یاپیب قوییلگن. شونینگدیک بیر قنچه مکتب نینگ بناسی یوقلیگی باعث طلبهلرنینگ کتّه قسمی آچیق فضاده درس بیلن شغلنهدی.
