لوگر ولایتیده عیاللرنی کوچلی قیلیش خصوصیده، میلیونلرچه دالر صرفلنگن، بیراق حاضرگه قدر مذکور ولایت عیال لری سوادسیزلیک و اقتصادی قیین چیلیکلرگه دوچ بولیب و بو وضعیتگه قرشی کورهشیب کیلماقدهلر.
لوگر عیال لریدن بیری مسلمه هاشمی، 7 کیشیلیک بیر عایلهنینگ بوتون خرجتینی تیارلشگه مسؤول دیر.
سلام وطندارگه صحبت بیرگن خانم هاشمی نینگ ایتیشیچه، لوگر مرکزیده مدنی نهادلرنینگ اورگهتیش برنامهلریده کیریب ایشسیزلیک و قشاقلیککه قرشی کورهشیشنی اورگنگن.
خانم هاشمینینگ ایتیشچه، او خیاطلیک کورسی قورگن و نیازی بولگن 20 عیالگه ایش زمینهسی یرهتگن.
اوشبو لوگرلیک عیال، ایشی آمد تاپگن صورتده، باشقه لوگرلیک عیاللرده سواد اورگهتیش کورس قوریشینی ایتهدی.
عین حالده، لوگر عیاللریدن باشقه بیرقطاری، قشاقلیکدن شکایت قیلیب ایتیشیچه، هلمند ده کوپینچه عیاللر قشاقلیک، ناتینجلیک و ایشسیزلیکدن رنج ایلتهدی.
اوشبوعیاللرنینگ ایتیشیچه، لوگر محلیمقاملری سوادی بولگنعیاللرگه ایش و سوادی بولمگن عیاللرگه اورگنیش زمینهسینی یرهتکن حالده اولر قرشیسیدهگی قینچلیکلرنی حل ایتیلیشی ممکن.
لوگرعیاللرریاستی مسووللری نینگ ایتیشیچه، مذکور ولایتده عیاللر قرشسیده قینچلیکلر بار بیراق مذکور قینچلیکلرنی حل ایتیش خصوصیده تلاش ایتهدیلر.
سلام وطندارگه صحبت بیرگن لوگر ولایتی عیاللر ریاستینینگ باشلیغی شیما زرگرنینگ ایتیشیچه، ینگیلیک فارغ بولگن 100 عیالنی ایش تجربه قیلیش اوچون دولتی و غیر دولتی نهادلرگه تانیشتیرهدی.
لوگر فعال عیاللریدن بیری عنیتا غضنفری نینگ سلام وطندارگه ایتیشیچه، مذکور ولایتده اوتکن ییللرگه قرهگنده عیاللرگه ایش زمینهسی یرتیش خصوصیده کوپراغ فعالیت صورت تاپگن.
خانم غضنفری نینگ ایتیشیچه، عیاللرنی سوادسیزلیکدن قوتقریش و اولرگه ایش زمینهسی یرهتیش خصوصیده حکومت سعی و حرکت قیلیشی کیرهک.
بیراق لوگر ولایتیده فعال عیاللرنینگ ایتیشیچه، مذکور ولایتده عیاللرگه اورگهتیش لایحهسی چیکلاولرگه روپه ره بولگن. اولرگه کوره، طالبان گروهی اوشبو ولایت مرکزی، برکیبرک، محمدآغه و خوشی تومنلریده قیزلرگه 6 نچی صنفگهقدر اوقیش گه رخصت بیرهدی.
عیاللر ریاستینینگ مسووللری، فعال عیاللر و مدنی ادارهلرنینگ اعضالری، حکومت و خلق ارا جماعهسیدن مذکور ولایت عیاللریگه ایش و اوقیش اوچون زمینه یرهتیشینی سورهیدیلر.
