.jpg)
بیرلشگن ملتلر تشکیلاتی 2013- ییلده، 31 اکتوبرنی «خلقارا شهرلر کونی» عنوانیده ناملهگن.
هرییلده اوشبو کوندن اهالینینگ یشش کیفیتینی یوقاری ایلتیش، ملتلر و خلقارا جماعهسینینگ عمومی منفعتی و قیینچیلیکلرگه قرشی کورهشش مقصد ده نشانلنهدی.
بیراق کورینیشیچه، کابل شهرینینگ یخشی شهر شعاری خصوصیده هیچقندی عملی حرکتی بولمی، بلکیم هوا دغل‌لیگی کوپیب بارماقده. اوشبو دغللیکلردن بیری بصری دغل‌لیگی دیر.
مملکت باشکنتیده 5 میلیون انسان تیریکچیلیک قیلهدی و اجتماعی لحاظ دن بیر دست ایمس و فرهنگی لحاظ دن فرقلی دیرلر. انهشوسبب کابلنینگ وضعیتی شونینگدیک آَشفته و درهموبرهم دیر.
دکاندارلر دکانلرینی قوییب پیاده یوللرگه کیلگنلر؛ قول ساتووچیلر و کراچیلر پیاده یولنی قوییب خیابانلر کناریگه کیلگنلر و موترلر هم ایستهگن تامانگه کیتهدیلر.
.jpg)
کابل یشاوچیلرینینگ هوا دغل‌لیگی خصوصیده اونچه هم معلوماتی یوق؛ بیراق بوتون قیینچیلیکلرنی حل قیلیش اوچون یشاوچیلر و دولتنینگ همکارلیگیگه نیاز بولگنیگه اینانهدیلر و اوشبو ایکی کوچدن بیری مسوولیت سیزلیک قیلگن صورتده، هوا دغل‌لیگی خصوصیده بولگن قیینچیلیک حل بولمهیدی دیدیلر.
باشکنت یشاوچیلریدن بیری حکیمنینگ ایتیشیچه، دولت شرکتلرنینگ تبلیغاتی و اهالیگه ایش قیلیش اوچون مناسب ییر اجرهتگن صورتده؛ بصری دغللیگ اورتهدن ایلتیلهدی.
دهافغاناننینگ قول ساتووچیلریدن بیری فهیمنینگ ایتیشیچه، قول ساتووچیلرنی قیینچیلیگینی حل قیلیش اوچون دولتنینگ هیچقندی برنامهسی یوق.
او نیرسهلرینی خیابان چکهسیده یازگنیدن راحت ایمس؛ بیراق اونینگ ایتیشیچه، حلال نان قولگه کیلتیریش اوچون عابرلرنینگ تحقیرلری و کابل بلدیهسی ایشلاوچیلرینینگ یمان حرکتلرینی تحمل قیلیشگه مجبور دیر.
کابل یشاوچیلریدن بیری فیصل، شهرنی ته‌میز لنیشی خصوصیده امیدی نی قول دن بیرگن. اونینگ ایتیشیچه، بو شهر تازه لنمهیدی، کابل شهرینینگ آسمان و ییری یمان دغللیک که بوینگن و تحمل قیلیش زور دیر. فیصل گه کوره، اهالی و حکومت مسووللری اوشبو قیین‌چیلیک‌که دقت قیلمهیدی.
فیصلنینگ ایتیشیچه، جادهلرنینگ تازه لنمهیشی، جاده کناریده بولگن درختلرگه سوو بیریلمهیشی، و نظم سیز شکلده تابلو نصب ایتیلیشی کابل شهری نینگ گوزل لیگی نی نابود قیلگن.
کابل شهرینینگ قطار یشاوچیلریگه کوره، باشکینتنینگ نظم سیزلیگی و مسووللرنینگ برنامه سیزلیگی خصوصیده نیچه مرته شکایت قیلگنلر، بیراق مسووللرینینگ دقت سیزلیگی کوپهیگن و اولرنینگ مسوولیت سیزلیگی اهالیگه هم سرایت قیلگن.
بو توغریده کابل بلدیهسی فکرینی آلیش اوچون سعی و حرکت قیلدیک، بیراق کابل بلدیهسینینگ رسمیلری صحبت قیلیش تیار بولمهدی.
