قندوز ولایتی نینگ امنیتی بلند مرتبه‌لی رسمیلری، ولایت نینگ امام صاحب تومنیده ملی کوچلر بیلن جنگری طالبان اورته‌سیده اوچ کون دوام ایتگن اوروش جریانیده چمه‌سی بیر مینگ عایله اوز یشش اویی جایدن آواره بولگن دیگنلر.
امام صاحب تومنی نینگ حاکمی امان‌الدین قرشی نینگ سلام‌وطندارگه ایتیشیچه، آتیشمه جریانیده بازارده‌گی بوتون دکانلر یاپیلگن دیگن. تومن قالگن خلق نینگ هم احوالی یخشی ایمس دیگن او.
امام صاحب تومنی نینگ یشاووچیلری هم آواره‌لرنینگ سانی کون سایین آشیب بارماقده دیگنلر.
اما قندوز پولیس قوماندانی جنرال عبدالحمید حمیدی، ینگی حربیلر منطقه‌گه یوباریلگن دیدی. او، وضعیت یخشی حالت‌گه قیتیشی ممکن دیگن.
طالبلر بوندن اوچ کون آلدین امام صاحب تومنی‌گه هجوم قیلگن ایدی. اوشبو هجوم نتیجه‌سیده مخمل کوچه، آقی‌بای و امام صاحب روضه‌سی‌نینگ یقین منطقه‌لری طالبلر قولی‌گه اوتگن ایدی.
بو منطقه‌لرده هنوز هم اوروش جریانی بارلیگی ایتیله‌دی.
