سلاموطندارگه صحبت بیرگن سرپل ولایتی کینگش اعضالریدن بیری اسدالله خرمنینگ ایتیشیچه، طالبلر سانچارک تومنینینگ تبیر و تغایخواجه قیشلاغیده یشهیدیگن هر بیر عایلهنینگ اوستیگه 10 منیگ افغانی نقد پول یا-ده 10 سیر مهییز تعیین قیلگن. جناب خرم گه کوره، مذکور تومننی طالبلر وجودیدن تازهلش اوچون عملیات یولگه قویلمهگن صورتده، سانچارک، سوزمهقلعه و گوسفندی تومنینینگ طالبلر قولیگه سقوط قیلیشی ممکن.
سانچارک تومنینینگ یشاوچیلریدن بیرقطارینینگ طالبلر زورهوانلیگینی تصدیقلب ایتیشیچه، دولت حاکمیتی بولمهگن صورتده، طالبلرگه باج بیریش گه مجبور دیرلر.
مذکور ولایت یشاوچیلریدن بیری رمضان روحانینینگ ایتیشیچه، طالبان گروهی، فرزندلری بیلیم یورتلرده تحصیل بیلن مصروف بولگن عایلهلردن هم تحصیلی مالیه آلهدی.
سانچارک تومنینینگ یشاوچیلریدن باشقه بیری تاجمحمدنینگ ایتیشیچه، طالبلرگه باج بیریشدن خسته بولگنلر و نادارلیک باعث اوینی ترک قیله آلمهیدی.
سرپل ولایتی سانچارک تومنینینگ ولسوالی نفیبالله دقیقنینگ ایتیشیچه، نقدی جریمه و هر بیر عایلهدن کونده 6 ته نان آلیش طالبلرنینگ ینگی قانونی دیر.
سرپل پولیس قومندانی عبدالقیوم باقیزوینینگ ایشانچ بیریب ایتیشیچه، تیزلیککه سانچارک تومنینینگ ناتینچ منطقهلریده تازهلش عملیات یولگه قوییلهدی.
بیراق طالبان کروهینینگ سوزلاوچیسی قاری یوسف احمدی، سانچارک تومنی یشاوچیلریدن باج آلیشنی رد قیلهدی.
