سلاموطندارگه صحبت بیرگن جوزجان حاکمینینگ سوزلاوچیسی محمدرضا غفورینینگ ایتیشیچه، اوتگن کون جوزجان ولایتی درزاب تومنینینگ کوتل اوستی منطقهسیده اوتکزیلگن صحرایی محکمهده داعش گروهی بیر بالهنینگ باشینی کیسگن.
غفوری گه کوره، اوشبو رحیم آتلی 11 یاشر باله جوزجان ولایتی درزاب تومنینینگ بتوی قیشلاغینی اصلی یشاوچیسی ایکن.
جوزجان حاکمی سوزلاوچیسینینگ کوپهیتیریشیچه، مذکور بالهنینگ یازنهسی محلی پولیس تشکیلاتیده فعالیت قیلگنی باعث، داعش گروهی تامانیدن شفقتسیز شکلده اولدیریلگن.
سلاموطندارگه صحبت بیرگن درزاب تومنی اهالیسیدن بیری بازمحمد داورنینگ ایتیشیچه، داعش گروهی مذکور بالهنی محلی پولیس کوچلرینینگ قرارگاهلریگه سوو و نان انتقال بیریشگه عیبلب و صحرایی بیر محکمهده اونینگ باشینی کیسگن.
