ملی بیرلیک حکومت اجرایه ریاستی نینگ ایکینچی اورین باسری محمد محقق نینگ سلاموطندار بیلن بولگن صحبتیده، دولت هنوزگچه اوغیرلنگن 31 یولاووچی عایلهلری وضعیتیگه اعتبار بیرمه گنلیگینی ایتگن.
جناب محققگه کوره، ملی خوفسیزلیک کینگشی نینگ ییغینیده اوغیرلنگن 31 مسافر خانهدانلری وضعیتی اوستیده گپیرهدی.
عین حالده، اوغیرلنگنلر خانهدانی و ینه مدنی جماعه چیلیک فعاللری حمل آیی نینگ 17- سیده گروگانلرگه دادخواهلیک قیلیش اوچون کابل نینگ زرنگار پارکیده چادر تیکلهگنلر. اعتراضچیلر، اوغیرلنگنلر آزاد ایتیلمه گونگه قدر اعتراضلریگه دوام بیریشلری اوستیده تاکیدلهگنلر.
اوشبو مسافرلرخانهدانی نینگ اعضالریدن بیر سلاموطندارگه، هلیگچه دولت و نا دولت ادارهلری بیزنینگ عزیزلر قوییب یوباریلیشی اوچون دییرلی اعتبار قرهتمه گنلیگینی اظهار قیلگن.
اوغیرلنگن 31 بیرکیشی ایچیده 15 و 30 یاشیده بولگن ایکی اوغیلنینگ آنهسی معصومه نینگ سوزلریگه کوره، فقط اوغیللریم روزغاریمنی تیبرهتردی. او، اقتصادی یامان حالتده ایکنلیگیدن نالیگن. معصومه، حاضرگه قدر دولت قوشیمچه هیچ بیر نا دولت اداره یاردم کورستمه گنلیگینی تلگه آلگن.
31 هزار یولاووچی اوغیرلنگن لیگیگه عکسالمعل بیلدیریب، اونلب کیشی مملکت تورلی ولایتلری شامل خارج ده اعتراض بیلدیریش نمایش اوتکزدیلر؛ اما حکومت نینگ یوقاری مرتبهلی رسمیلری اوغیرلنگن توغریسیده هیچ قندهی بیر معلومات بیریشمهگن.
