دسامبر آیی نینگ اوچینچیسی خلق ارا ناگرانلر کونیگه تینگ. بو کون میلادی 1992- ییلده بیرلشگن ملتلر تشکیلاتی نینگ عمومی ییغینده خلق ارا ناگرانلر کونی دیب اعلان ایتیلدی. مملکت ایش و اجتماعی مساله‌لر بوییچه وزیرلیک نینگ رسمی حساباتیده افغانستان بویلب کته قسمی جدی قیین چیلیکلر بیلن دورچار بولیب تورگن بیر یوز اون مینگ ناگران موجود حالده، بو سنه مملکت‌ده نشانلنماقده.
ایش واجتماعی ایشلر بوییچه وزیر خانم نسرین اوریاخیل، بوگون کابل‌ده انه شومناسبت بیلن اوتکزیلگن ییغینده چیقیش قیلیب بو توغریده به تفصیل صحبت قیلگن. ییغین « کیله‌جکده بیز ایسته‌گن 17 هدفگه قول تاپیش» نامی آستیده اوتکزیلگن. برقرار رواجله‌نیش دستوریگه موافق 17 اساسی مقصددن 7 موردی ناگرانلرنی حاضرگی وضعیتیگه ییتیشیش دن عبارت. اوشبو موردلر اوستیده ایش قیلیش اوچون وزیرلیکده عمل‌ده مشترک کمیته ایش آلیب باریشی رسمیلر تیلیدن بیان ایتیلگن.
عین حالده خانم اوریاخیل، برقرار رواجله‌نیش لایحه‌سی عملی بولیش بیلن هر بیر اداره مملکت‌ده‌گی ناگرانلردن 7%نی ایشگه آلیش اوچون مجبور بوله‌دی دیگن.
برقرار رواجله‌نیش مقصدی کیله‌جککه تیگیلیشی بولگن هدفلردن حسابلنه‌دی. مذکور هدف ایسه بیرلشگن ملتلر تشکیلاتی تامانیدن تعریف بولگن. شونینگدیک بو تعریف اوتگن ییل بی می تی ییغینیده هم تصدیق‌دن اوتگن.
ییغینده اشتراک قیلگن حکومت اجراییه ریاستی نینگ باشلیغی عبدالله‌عبدالله، مملکت‌ده‌گی بوتون وزیرلیک همده دولت اداره‌لری ناگرانلر وضعیتیگه ییتیشیش اوچون ایش قیله دیلر دیگن. ناگرانلر نینگ حاضرگی معماسی حل ایتلیشی اوچون حکومت جدی اعتبار قره‌ته‌دی دیگن جناب عبدالله‌عبدالله.
ایش واجتماعی ایشلر بوییچه وزیرلیک نینگ مسووللری، ناگرانلرگه قره‌شلی قانون عملی بولمه‌گن لیگینی تنقید آستیگه آلیب، اوتگن ییللرده بو قتلم اوچون ایشلب چیقاریلگن قانون هنوزگچه دییرلی عملگه تطبیق بولمه‌گن دیگن. او، تیگیشلی اداره‌لردن اوشبو قانون عملی بولیشی اوچون جدی سعی و حرکت آلیب باریشلرینی سوره‌گن.
