جوزجان ولایتیگه قرهشلی قوش تیپه تومنی اوزبیکستان تحریک اسلامی حزبی جنگریلرینینگ اورگهتیش مرکزلریدن حسابلنهدی. بو ییرده اولر انتحاری هجوملر و و یوللرده ماین اورنهتیش اوچون بالهلرنی اورگهتیب اولردن فایدهلنیب کیلماقدهلر.
بیزبالهلرنی بیرارتهسی بیلن صحبت قیلیش مقصدیده قیته – قیته امنیتی ادارهلرگه مراجعه قیلگن میز. و نهایت 12یاشده بولگن افضل اسملی قوریگنراق بیر باله بیلن تانیشدیک. افضل اوز آتینی توتیشنی ایستهمیدی، او قوشتیپه تومنیده باشقه اونلب بالهلربیلن ماین اورنهتیش و مکتب و دولت ادارهلریگه قورالی هجوم قیلیش اوچون تمرین کورگنلیگینی معلوم قیلهدی.
بو بالهنینگ ایتیشیچه، اوز بالهلرین گروهگه قوشیلیشنی ایستمهگن عایلهلرنی اوزبیکستانلیک جنگریلر اوغیرلب اذیت قیلهدیلر.
اوزبیکستان تحریک اسلامی حزبینینگ بو ایشلرینی اوز کوزی بیلن کورگن بیر قطار عایلهلر، حکومت تیزلیکده بو ایش آلدینی آلیشی ضرور دیدیلر. اولر دولت بو حقده توجه سیزقالگن تقدیرده اوزبیکستانلیک عیاللر شبرغان شهریدن هم بالهلرنی اوزلری بیلن آلیب کیتیشدن آگاه لنتیرهدیلر.
معرفت، حیدر و شیرللرنینگ ایتیشیچه، 200- 300 باله اوزبیکستانلیکلرنینگ قرارگاهلریده موجود و اوچته اوزبیکستانلیک عیالهم چقمه چوقور منطقهسیده بالهلرنی جلب قیلیش اوچون ایش قیلیب کیلماقده.
قوش تیپه یشاوچیلرینینگ ایتیشیچه، بو تومن و درزابنینگ اکثر بالهلری قرآن اورگهنیش بهانهسی بیلن، عایلهلریدن آلینیب، قوشتیپهدهگی اورگهتیش مرکزلریگه آلیب باریلهدیلر. میهلری چلغیتیلگندن کیین ترورچیلیک ایشلرینی اورگهنیب باشقه ولایتلرگه ماموریت اوچون یوباریلهدیلر.
بو مسالهنی آچیقلش اوچون جوزجان حاکمینینگ سوزچیسی محمد زضا غفوریگه مراجعه قیلهمیز. غفورنینگ معلوم قیلیشیچه اوزبیکستان تحریک اسلامی حزبی و باشقه داعش آتیدهگی گروهلر افغانستانده فعالیت قیلیب کیلماقده.
جوزجان حاکمینینگ سوزچیسیگه کوره، ناتینچلیکلر سبب جوزجان بیرقطار مکتبلرینینگ ایشیگی یاپیلگن و 30مینگ اوقووچی اوقیشدن اوزاق قالگن. غفوری اوقووچی بالهلرنینگ سانی آزبولیشی عسکرباله سانی کوپ بولیشیگه سبب بولیشیگه ایشانهدی.
انسان قاچاقیبیلن قرشی کورهش عالی کمیسیونی باشلیغی حسن سلیمی، بالهلرمییهسینی چیقب ترورچیلیک ایشلرگه اولردن فایدهلنیش انسان قاچاقی حسابلنیشینی اورغولیدی.
سلیمی، بالهلرسانی ترورچی گروهلرقطاریگه کوپیشیدن خواطربیلدیریب، افغانستان حکومتی هلیگچه طالبلر و داعش گروهینینگ بالهلردن فایدهلنیشینینگ آلدینی آلیشگه قادر بولمهگن دیدی.
قوشتیپه تومنینینگ امنیتی ملازملریهم امنیتی وضعیت یمانلنیشیدن خواطر بیلدیریب، یوللر یاپیقلیگی و ناتیچلیکلر سبب اولر فقط هوا آرقلی کمک بولیشلرینی معلوم قیلهدیلر.
