یرهش، ییتکرمه و یخشی حکومتچیلیک تحقیقات انستیتیوتی، سونگی وقتلرده کابلده اوتکزیلگن ناراضیلیک نمایش توغریسیدهگی فکر اورگهنیش نینگ بیرینچی گزارشینی بوگون (چهارشنبه) نشر قیلدی.
اوشبو انستیتیوت نینگ مسووللری فکر اورگهنیشدن اصلی نیت اهالی نینگ مدنی اعتراضلریده قابلیت، مدیرت و ترتیب و تنظیم بولیمیگه کومک قیلیش بولگن لیگینی تیلگه آلگنلر.
اوشبو سوراوده پایخت کابل نینگ 76% اهالیسی مدنی اعتراضلرنی جعیتنینگ کیلدی قدریتلریدن دیب، حکومت ناراضیلیک نمایش اویوشتیرگنلر بیلن یخشی یاندهشیشی کیرهکلیگینی کوتهدی دیدیلر.
یرهش، ییتکرمه و یخشی حکومتچیلیک تحقیقات انستیتیوتی، اوشبو سوراو کابلده 517کیشی اوستیدن اوتکزیلگن معلومات اساسیده تیارلنگن دیگن.
جناب اکبری، قولگه کیریتیلگن معلوماتلرده خلقنینگ 65% حکومت نینگ اعتراضچیلر بیلن یاندهشیشی و 54% ایسه اعتراضیلرنینگ قیلمیشیدن ناراض ایکن لیکلرینی معلوم قیلگنلر دیدی.
یرهش، ییتکرمه و یخشی حکومتچیلیک تحقیقات انستیتیوتیگه کوره، اوشبو سوراونینگ بیر بولیمیده اهالی حکومت و باشقه گروهلرنینگ افراطی حرکتلرینی یاقتیرمهیدی.
حکومت دنیا همجعیت دولتلری مخالف گروهلر بیلن حکومت اورتهسیده مذاکره اوتکزیش اوچون شرایط یرهتیشی کیرهک.
کابلده آغیر پارتلش یوز بیرگندن کیین اوزگریش قوزغلانی مدنی حرکت یولگه قوییب کابل نینگ ییریک یوللریده تحصن چادری تیکلب نمایش اوتکزدی.
اما، ملی کوچلر جوزا آیی نینگ 29- سیده تحصن چادرلرینی ییغیش اوچون اعتراضچیلرگه هجوم قیلیب، نتیجهسیده 2 اعتراضچینی اولدیریب و 8 کیشی یرهلنتیرگن ایدی. حکومت نینگ بو قیلمیشی جدی عکسالعمللرگه روپه ره بولدی.
