بوگون «پنجشنبه» کابل‌ده افغانستان ملی بویوک ائتلافی اسلامی جمعیت حزبی‌نینگ رهبری و تشقی ایشلر وزیری صلاح‌الدین ربانی، اسلامی جمعیت حزبی‌نینگ اجراییه باشلیغی عطامحمد نور، جمهورلیک ریاستی‌نینگ بیرینچی اورین باسری و جنبش حزبی‌نینگ رهبری جنرال عبدالرشید دوستم، افغانستان اهالیسی‌‌نینگ اسلامی وحدت حزبی‌نی رهبری و اجراییه ریاستی‌نینگ ایکینچی اورین باسری محمد محقق، سابق جمهور رئیس‌نینگ اورین باسری محمدیونس قانونی، جمهور رئیس‌نینگ حکومت ایشلریگه اصلاحات کیریتیش خصوصیده سابق خاص نماینده‌سی احمدضیا مسعود، ملی خوفسیزلیک ریاستی‌نینگ سابق باشلیغی رحمت‌الله نبیل، نماینده‌لر کینگشی و لوی مشرق کینگشی‌نینگ رهبرلیک اعضاسی ظاهر قدیر، نماینده‌لر کینگشی‌نینگ ایکینچی اورین باسری همایون همایون، ملی کینگش نماینده‌لریدن بیرقطاری و قوم بویوک‌لری حضوریده موجودیتی‌نی اعلان قیلدی.
اوشبو ییغینده اسلامی جمعیت حزبی‌نینگ اجراییه باشلیغی عطامحمد نور، ملی بیرلیک حکومت‌نینگ مدیریت‌سیزلیگی، ستم‌لی حرکتی و برنامه‌سیزلیگی‌دن تنقید قیلیب ایتیشیچه، تانیقلی کیشی‌لرنی قتغن قیلیش، ثمره‌سیز تینچلیک لایحه‌سی نامی‌ده جنایتچی‌لرنی قماقدن قوییب یوباریش مملکت‌نی چیگل‌لیک‌که تارتیب و اساسی قانون‌نی سوراققه دوچ قیلگن.
جناب نور، جنرال عبدالرشید دوستم‌نینگ خاص نماینده‌سی نظام‌الدین قیصاری، قنده‌ی بیر شکلده قولگه آلینگنی گه اشاره قیلیب ایتیشیچه، شخصی مقصدلرنی عمل‌گه آشیریش اوچون خاص کوچلردن فایده‌لنیش و مملکت قوراللی کوچلرینی سوء استعمال قیلیش ملی منفعت‌لرنی خطرگه روپه‌ره قیله‌دی.
عطامحمد نورگه کوره، اولر جنگ‌سالار آتله‌نیشیدن قورقمه‌یدیلر و بوتون اهالی‌نینگ سیسی بولیش‌نی ایسته‌یدیلر.
نورنینگ ایتیشیچه، اولر مملکت سیاستچی‌لری و بویوک‌لری بیلن کوپلب بحث اوتکزگن‌لریدن افغانستان ملی بویوک ائتلافی‌نی تشکیل بیریب و یوتوقلی بیر تکت بیلن سیلاو میدانی گه کیریش خصوصیده، قرار قیلگن‌لر.
شونینگدیک، اوشبو ییغینده افغانستان اهالیسی‌‌نینگ اسلامی وحدت حزبی‌نی رهبری و اجراییه ریاستی‌نینگ ایکینچی اورین باسری محمد محقق، سیاسی حزب‌لرنی ترقاقلشتیریش برنامه‌لردن خواطرلنیب ایتیشیچه، اوتگن تورت دهه‌ده سیاسی حزب‌لر حکومت‌نینگ یانیده بولیب و اوروش یانیده دموکراسی‌نی رواجلنتیریش اوچون فعال قتنشگن.
جناب محقق گه کوره، سیلاولر تنیق‌لیگی‌نی تضمین قیله‌دیگن سیاسی حزب‌لرنینگ ریجه‌سی حکومت تامانیدن قبول قیلینمه‌گن صورتده، ینگی ائتلاف مدنی و تینچلیک حرکت‌لریگه قول اوروشی ممکن.
ییغین دوامیده، نماینده‌لر کینگشی و لوی مشرق کینگشی‌نینگ رهبرلیک اعضاسی ظاهر قدیرنینگ ایتیشیچه، مشرق اهالیسی کونده داعش و طالبان گروهی‌نینگ قربانی بوله‌دی؛ بیراق حکومت حاضرگچه اولرنینگ حال و احوالی گه دقت قیلمه‌گن.
قدیرگه کوره، حکومت سوزلریگه عمل قیلمه‌گن و عکسینچه قوم‌لرنینگ آره‌سیده اتفاقسیزلیک تشله‌گن.
اونینگ کوپه‌یتیریشیچه، حکومت بیرینچی توزوک ده فساد و ناتینچلیک‌که قرشی کوره‌شنی ایتگن ایدی؛ بیراق حاضرگچه نه‌فقط بو موضوعلرگه قرشی کوره‌شمه‌گن، بلکیم فساد و کینگ ناتینچلیک اجتماع اوچون کته قیین‌چیلیک‌که اوزگرگن.
افغانستان سوسیال دموکرات حزبی‌نی رهبری انورالحق احدی‌نینگ ایتیشیچه، خلق وضعیت‌دن سیقیلگن و حکومت‌دن حقوقلرینی ایسته‌یدی.
جناب احدی گه کوره، خوفسیزلیک، فسادگه قرشی کوره‌ش و تینچلیک خلق‌نینگ ایسته‌گی افغانستان ملی بویوک ائتلافی‌نینگ مسؤولیتی دیر و اولر بو مسؤولیت‌نی یخشی بیر شکلده عمل گه آشیره‌دی.
شونینگدیک، ملی خوفسیزلیک ریاستی‌نی سابق باشلیغی رحمت‌الله نبیل‌نینگ ایتیشیچه، ملی بیرلیک حکومتی‌نینگ باشلیغی‌لری سلاولر ایرکین کمیسیونی‌نینگ ایشلریگه اره‌لشیب و خلق‌نی الده‌یدیگن برنامه‌لری بیلن کیله‌جک سیلاونی یولگه قوییلیشی‌دن آلدین سوراققه دوچ قیلگن.
شونینگدیک، بوندن آلدین مملکت سیاستچی‌لری، حزب‌لری و جهادی رهبرلر، افغانستان‌نی قوتقریش آتی‌ده ائتلاف ایجاد قیلگن ایدی؛ بیراق بو ائتلاف‌لر حاضرگچه جمهورلیک ریاستی ارگ تامانیدن جدی آلینمه‌گن.
