خلق ارا کیچیریم تشکیلاتی افغانستان حکومتی دن کرونا ویروسی رواجلنیشی گه قرشی کوره‌ش اوچون عیال محبوس‌لر قوییب یوباریلیشی گه اولویت بیریلیشی‌نی سوره‌گن.
شونینگدیک، اوشبو تشکیلات محبوس‌لر قوییب یوباریلیشی توغریسیده جمهور رئیس غنی نینگ بویروغی عمل گه آشیریلیشی اوچون افغانستان تیزلیک‌گه ایش گه کیریشی‌نی طلب قیلگن.
جمهور رئیس غنی مملکت ده کرونا ویروسی رواجلنیشی گه قرشی کوره‌ش اوچون ایکی هفته آلدین عیاللر شامل زیان کورووچی 10 مینگ محبوس قوییب یوباریلیشی گه بویروغ بیردی. خلق ارا کیچیریم تشکیلاتی نینگ ایتیشیچه، حاضرگه‌قدر بو بویروغ بوتونله‌ی عمل‌گه آشیریلمه‌گن.
بوگون «جمعه، 22- حمل» مذکور تشکیلات تامانیدن نشر قیلینگن اعلامیه‌ده ایتیلیشیچه، کرونا ویروسی گه چلینگن‌لرنینگ رقمی آشگنی باعث، قماقخانه‌لرده اوشبو ویروس رواجلنیشی و محبوس عیاللر کوپلب اوشبو ویروس نینگ خطری گه دوچ کیلیشی توغریسیده خواطرلر کوپه‌یگن.
شونینگدیک، اوشبو تشکیلات افغانستان دولتی دن عیاللرگه قرشی موجود تبعیض و کرونا ویروسی رواجلنیشی برابریده اولرنینگ نازکلیگی گه قره‌گنده، اولر تیزلیک‌که خوفسیز بیر ییرگه انتقال بیریلیشی‌نی سوره‌گن.
اوشبو تشکیلات نینگ ایتیشیچه، افغانستان قماقخانه‌لری جمعیت‌لی بولگنی اوچون ساغلیک امکانیتی آز دیر و عیاللردن بیرقطاری، فرزندلری بیلن بیرگه قماقخانه‌لرده بولگنی اوچون اولرنینگ قوییب یوباریلیشی گه اولویت بیریلیشی لازم.
شونده‌ی بیرحالده، کمیده ایکی هفته آلدین، هرات ولایتیده بولگن محبوس عیاللر، جمهورلیک ریاست سرایی تامانیدن محبوس‌لر قوییب یوباریلیشی خصوصیده، بیریلگن بویروغ ده آت‌لری بولمه‌گنی اوچون ناراضیلیک‌که قول اوریشیب و قماقخانه نینگ ایریم امکانیت‌لرینی اوت بیریشگن. اوشبو ناراضیلیک‌ده بیر عیال محبوس و 6 پولیس یره‌لنگن.
