طالبان سوزلاوچیسی ذبیح‌الله مجاهد نینگ بیر خبرنامه آرقه‌لی ایتیشیچه، افغانستان بوییچه بیرلشگن ملت‌لر تشکیلاتی نینگ خاص نماینده‌سی تدامیچی یاماموتو، اوتگن کونی قطر باشکنتی دوحه شهریده طالبان گروهی‌نینگ سیاسی دفتری اورین باسری ملابرادر آخند بیلن اوچره‌شگن.
خبرنامه‌ده کوپه‌یتیریلیشیچه، اوشبو اوچره‌شووده طالبان گروهی نینگ سیاسی دفتری اعضالری و مذاکره قیلیووچی هیات اعضالریدن بیرقطاری حضور تاپیب، تینچلیک لایحه‌سی، تینچ اهالی تلفاتی و طالبان حاکمیتیده بولگن بولیم‌لرده بشری یاردم خصوصیده صحبت قیلینگن.
خبرنامه‌گه کوره، ملابرادر آخند، یاماموتو و همراه‌لریدن « مذکور موضوعات‌لر توغریسیده طرف سیزلیک» نی رعایت قیلیشی‌نی سوره‌گن.
خبرنامه‌ده کوپه‌یتیریلیشیچه، افغانستان بوییچه بیرلشگن ملت‌لر تشکیلاتی نینگ خاص نماینده‌سی، طالبان گروهی تامانیدن تینچ اهالی تلفاتی نینگ کمه‌یشی اوچون دقت قیلینیشی‌دن میندارلیک بیلدیریب و مربوط بولگن ایش‌لر یخشی لنیشی اوچون سعی و حرکت قیلیشی‌نی بیلدیرگن.
افغانستانده طالبان رژیمی سقوط قیلگنی‌دن سونگ، بو بیرینچی مرته که بیرلشگن ملت‌لر تشکیلاتی نینگ یوقاری مرتبه‌لی بیر رسمی‌سی اوشبو گروه بیلن اوچره‌شه‌دی.
افغانستان بوییچه بیرلشگن ملت‌لر تشکیلاتی نینگ اورین باسرلیک دفتری حاضرگه‌قدر بو خبرنی تصدیق‌لب یا-ده رد قیلمه‌گن.
