افغانستان اقتصادی و مالی اصلاحات جریانیدن خلق ارا پول صندوقینینگ تورتینچی تیکشیروو نتیجهسینی اعلان قیلیش خبری ییغینیده مالیه وزیرلیگینی سرپرستی همایون قیومینینگ ایتیشیچه، خلق ارا پول صندوقینینگ تیکشیروو گزارشی گه کوره، 1397- ییل، افغانستان دولتینینگ بودجه شفافیتیده کوپینچه اصلاحات کیریتیلگن.
جناب قیومی گه کوره، جاری ییلده افغانستان صادراتینی حجمی آشگن، داراییلرنی رویخطگه آلیش جریانی مؤفقیت بیلن آلغه بارماقده و بو تیکشیروو اساسیده، دولت درآمدی 78 میلیارد افغانی کوپهیگن. اونینگ ایتیشیچه، افغانستان درآمدی 99 میلیارد افغانیدن 177 میلیارد افغانی گه ییتیشگن و شونینگدیک، اقتصادی ترقیات میلادی 2015- ییلده 1.3% ایکن و میلادی 2017- ییلده 2.5% بولگن.
شونینگدیک، افغانستان اقتصادی و مالی اصلاحات جریانیدن خلق ارا پول صندوقینینگ تورتینچی تیکشیروو نتیجهسینی اعلان قیلیش خبری ییغینیده، مرکزی بانک باشلیغی خلیل صدیق، افغانستاننینگ اقتصادی و مالی فعالیتلری و ایشلریدن خلق ارا پول صندوقینینگ رضایتی گه اشاره قیلیب ایتیشیچه، خلق ارا پول صندوقینینگ گزارشی گه کوره، مرکزی بانک مالی برقرارلیکنی سقلش، قویی درجهده تورم نی باشقریش، ارز زخیرهلرینی آرتیریش و مالی تیزیمنی مستحکملشتیریشده مؤفق عمل قیلگن.
جناب صدیق گه کوره، اقتصادی برقرارلیک تشقی پوللر برابریده افغانی پول باشقریلیشی گه یاردم بیرگن.
افغانستان دولتی و خلق ارا پول صندوقی آرهسیدهگی قوشمه اقتصادی برنامه، میلادی 2019- ییلنی اداغیگچه دوام ایتیشی ممکن. افغانستان اقتصادی و مالی اصلاحاتنی تیکشیریش برنامهسی آلتی باسقیچ دن عبارت بولگن و خلق ارا پول صندوقینینگ حاضرگی گزارشیده اونی 4 باسقیچی کیریتیلیب و تیکشیریلگن.
