بغلان ولایتی‌نینگ نهرین تومنی‌نی یانیده 24 ییل آلدین ایجاد ایتیلگن جلگه تومنی‌نینگ حاضرگچه بازاری یوق دیر. جلگه تومنی‌نینگ یشاوچیلرینی آرسیده جنجل‌لری بولگنی سبب، مذکور تومن حاضرگچه بازار سیز قالگن.
قوراللی طالب لرنینگ حاکمتی قوله‌ب و حامد کرزی‌نینگ وقتینچه‌لیک حکوتی باشلنگنیدن بویان بغلان ولایتیده میلیونلرچه دالر صرف ایتیلگن. بیراق، جلگه تومنیده هیچ بیر پروژه عمل گه آشیریلمه‌گن.
جلگه تومنی نینگ بیرقطار یشاوچیلری، اهالی و تومن حاکمی آرسیده بولگن تارتیشولر مذکور تومنده قیین‌چیلیک‌لر کوپه‌ییشیگه سبب بولگن دییدیلر.
بیراق، جلگه تومنی نینگ دکانداری فضل من‌الله نینگ ایتیشیچه، اهالی گه نیاز بولگن نرسه لرنی کوپینچه سی اونینگ دکانیدن تاپیلمه یدی. فضل من‌الله نینگ دکانیده بولگن نرسه‌لرنینگ بهاسی بازاردن کوره نیچه برابر یوقاری دیر. اونینگ ایتیشیچه، ایکی ییل آلدین اوشبو دکان‌نی توزه‌تگن و حاضرگه قدر بلدیه صفتیده کیم‌سه‌نی تانیمه‌یدی.
جلگه تومنی یشاوچیلری‌نینگ روپه ره بولیب تورگن قیین چیلیک لریدن کوپینچه حکایه لری بار.
مذکور تومن‌نینگ بیر چکه‌سیده ناگران بیر کیشی ناقانونی قوراللی کیشی‌لرنینگ زوره‌وانلیگی دن شکایت قیله‌دی. نورمحمد آتلی بو کیشی نینگ ایتیشیچه، ناقانونی قوراللی کیشی لر اونینگ اویی نی اوتگه یاندیرگن و عرضی نی ایشیته دیگن کیم سه یوق دیر.
جلگه تومنی یشاوچیلری نینگ ادعالری توغریسیده، مذکور تومن ولسوالی نینگ فکرینی اورگه نیش گه قادر بولمه‌دیک.
بغلان حاکمی عبدالحی نعمتی، نیچه وقت آلدین مذکور تومن گه باریب و موجود قیین‌چیلیک‌لرنی تصدیق لگن. اونینگ ایتیشیچه، جلگه تومنیده بولگن قیین‌چلیک‌لرنی حل ایتیلیشی خصوصیده، بازار اورنی تیکشیریلیشی اوچون بیر کمیسیون تشکیل بیرگن.
جلگه تومنی‌نینگ جمعیتی 40 مینگ کیشی گه ییتیشه دی و بو تومن بغلان ولایتی نینگ مرکزی پلخمری شهری‌نینگ یقینیده جایلشگن. قیش موسومی ده قتیق قار و یامغیر باعث، قتناو یولی ترافیک یوزیگه یاپیله‌دی.
