فاریاب محلی رسمیلری ولایتده بیر ییگیت جسدی تاپیلگنیدن خبر بیرگن. رسمیلرگه کوره، سخی محمد اسملی شخص جسدی اوتگن کون میمنه شهرینینگ کته کم منطقهسیدن تاپیلگن.
فاریاب والیسینینگ سوزلاوچیسی احمدجاوید بیدار سلاموطندارگه بو اولدیریلگن ییگیت نینگ صرافلیگی بار ایکن و اوتگن پنجشنبه پشتونکوت تومنیدن اوغیرلهنیب اولدیریلگن دیدی.
جناب بیدارگه کوره، عدلی طب تیشکیرووی کورسهتیشیچه، اوشبو ییگیت تیشه یا بالته بیلن باشیگه اوریب اولدیریلگن.
حاضرگه قدر بو اولدیریش علتی انیق بولمهگن، بیراق کشفی کوچلری بوبارهده اوز تیرگاولرینی باشله گن دیدی جناب بیدار.
فاریاب والیسینینگ سوزلاوچیسیگه کوره، جنایی جرملرگه قرشی کوره شهدیگن پولیس کوچلری حادثه ییریدن جسدنی کیلتیریش پیتیده ایکی موترسایکل مینیلگن شخص بیلن حادثه ییریده اوچرهشیب اولر بیلن پولیس اورتهسیده توقنهشوو بولیب اوتگندن سونگ پولیس تامانیدن قولگه آلینگنلر.
سخی محمدنینگ یقینلری ایتیشیچه، او پنجشنبه کونی «فولدر» تیپلی موترگه اوغیرلنگن و اوتگن آقشام جسدی تاپیلگن دیدیلر.
اولرگه کوره، سخی محمدنینگ کیشی بیلن دشمنلیگی بولمهگن.
