افغانستان باشکینتی کابل‌ده «ایدزگه قرشی کوره‌ش خلق ارا کونیدن» نشانلش برنامه‌ده ساغلیق‌نی سقلش وزیرلیگی مسؤوللری نینگ ایتیشیچه، قویاش 1398- ییل مملکت ده 150 ایجابی ایدز واقعه‌سی رویخط‌گه آلینگن.
بوگون «یکشنبه» کابل‌ده «ایدزگه قرشی کوره‌ش خلق ارا کونیدن» نشانلش برنامه‌ده ساغلیق‌نی سقلش وزیرلیگی نینگ ساغلیک خذمت‌لری بوییچه اورین باسری فدامحمد پیکان نینگ ایتیشیچه، اوتگن ییل مذکور وزیرلیک‌ده 183 ایجابی ایدز واقعه‌سی رویخط‌گه آلینگن ایکن، لیکن جاری ییل‌ده بو رقم 150 ایجابی واقعه گه ییتیشگن.
جناب پیکان گه کوره، مخدره ماده دن فایده‌لنیش، ناتینچلیک و اهالی خبرسیزلیگی باعث، ایدز کسل‌لیگی گه چالینگن‌لرنینگ رقمی آشگن.
اونینگ کوپه‌یتیریشیچه، ایدز کسل‌لیگی گه چالینگن کیشی‌لرنینگ برابریده جماعه‌نینگ یامان قره‌شی بو کیشی‌لرنی قیین‌چیلیک‌لرنی روپه‌ره قیلگن.
ایدز کسل‌لیگی گه چالینگن‌لردن بیری عبدالله نینگ ایتیشیچه، بو کسل‌لیک توغریسیده اهالی نینگ یامان قره‌شی باعث، اولر کوپینچه قیین‌چیلیک‌لرگه دوچ کیلیب و ساغلیک خذمت‌لریدن محروم قالیشگن.
ساغلیق‌نی سقلش وزیرلیگی تامانیدن بیریلگن رقم اساسیده، ایدز کسل‌لیگی گه چالینگن‌لردن 87% نینگ 15 دن 49 یاشی‌گچه بولگن کیشی‌لر تشکیل بیره‌دی.
ایدز کسل‌لیگی «اچ آی وی» آتلی ویروس بدن گه کیریشی نتیجه‌سیده وجودگه کیله‌دی. بو ویروس بدن نینگ ایمنی تیزیمی گه هجوم قیلیب و بدن نی باشقه ویروس‌لرنینگ مقابلی‌ده زیان کورووچی قیله‌‌دی.
