مملکت تشقی ایشلر وزیرلیگی سیاسی اورین باسری حکمت خلیل کرزی، 1325 شرطنامهسی عملی بولیش باسقیچی بیرینچی ییغینیده سوزگه چیقیب ایتیشیچه، اوشبو لایحهنی تطبیق ایتهدیگن ادارهلر اورتهسیده اویغونلیک، مالی تشکیلات و سیاسی اراده بولمهگن صورتده، عیاللر بشر حقلری وضعیتی یخشیلنمهیدی.
بیرلشگن ملتلر تشکیلاتی خوفسیزلیک کینگشی 1325 شرطنامهسی حقیقتده بینالمللی حجت و بو عیاللر، تینچلیک و امنیت موضوعلرینی اوزیگه آلهدی. بیرلشگن ملتلر تشکیلاتیگه عضو بولگن دولتلر اوشبو شرطنامه مملکتلریده مستحکملنیش و تطبیق ایتیلیشی خصوصیده سعی و حرکت قیلیشی لازم. اوشبو شرطنامه میلادی 2000- ییل تصدیقلندی و شونینگدیک افغانستان میلادی 2001- ییل اونی قبول قیلدی و تشقی ایشلر وزیرلیگی اوشبو شرطنامه تطبیق ایتیلیش خصوصیده، «عیاللر، تینچلیک و امنیت ملی عملی لایحه» آتیده عملی لایحه تیارلشی توغریسیده وظیفه آلدی.
تشقی ایشلر وزیرلیگی سیاسی اورین باسرینینگ ایتیشیچه، اوشبو لایحه ایکی دور 8 ییلده تطبیق ایتیلهدی. مذکور لایحهنی تطبیق ایتووچیلری ایکی اساسی مسئلهگه دقت قیلیشی لازم: فعالیتلرنی زمانلشتیریش، اولویت لشتیریش و اونی تطبیق ایتیش خصوصیده بودجه تخمینلنیشی دیر.
عین حالده، تشقی ایشلر وزیرلیگینینگ عیاللر و بالهلر بشر حقلری ادارهسی باشلیغی خجسته فنا ابراهیمخیلنینگ ایتیشیچه، عیاللر ملی عملی لایحهسی، قرار آلیش بولیملریگه عیاللر اشتراکینی کوپهیتیرهدی و افغانستان قوریلیشی خصوصیده، فرصتلر و منبعلرگه قول تاپیش اوچون زمینه یرهتهدی.
خانم ابراهیمخیلگه کوره، 1325 شرطنامه تطبیق ایتیلیشیگه دولتی و غیر دولتی ادارهلر اورتهسیده مسؤولیتلر آچیق صورتده تقسیم ایتیلیشی لازم.
انچه پیت آلدین جمهور رییس 1325 شرطنامه عملگه آشیریلیشی خصوصیده، اوتکزیلگن مراسمده سوزگه چیقیب و اوشبو لایحه تطبیق ایتیلیشی توغریسیده ییترلیچه بودجه اجرهتیشیگه سوزبیرگن.
خوفسیزلیک کینگشی 1325 شرطنامهسی، اوروش کورگن مملکتلرنینگ عیاللریدن حمایه قیلهدی. اوشبو لایحه افغانستاندیک مملکتلرگه تطبیق ایتیلیشی جوده هم اونملی دیر.
