سیلاولر توزومی‌گه اصلاحات کیلتیریش کمیسیونی‌نینگ اعضاسی، مذکور کمیسیون ایشی باشلنگنی‌دن 40 کون اوتکنی‌دن کیین، بیرینچی تکلیف نامه‌سینی اجراییه باشلیغی عبدالله عبدالله‌گه ارایه ایتدی. مذکور کمیسیون اعضاسی‌گه کوره، اوشبو تکلیف نامه‌گه مملکت مدنیت‌چیلری، مدنی جماعه‌چیلیک و سیلاو اداره‌لری فکرلری شامل دیر.
سیلاو توزومی اصلاحاتی کمیسیون باشلیغی شاه‌سلطان عاکفی‌نینگ، (یکشنبه کون) بیر ییغینده ایتیشیچه، اوشبو تکلیف نامه سیلاو قانونی و سیلاو اداره‌لری فکرلری اساسیده تیارلنگن و بو کمیسیون‌نینگ بیرینچی ایشی دیر.
جناب عاکفی‌گه کوره، سیلاو کمیسیون‌لری توزومی‌نی اوزگرتیریش، جمعیت اساسیده، سیلاو حوزه‌لرینی تعیین‌لش، کیم‌لیک حجت اساس آواز بیروچی‌لر لایحه‌سینی تیارلش و پارلمان عضویتی اوچون عالی اوقوو کوزگه توتیلیشی، مملکت یشاوچی‌لری‌نینگ، سیلاو کمیسیون‌لریده اصلاحات کیلتیریش خصوصیده‌گی تکلیف‌لریدن بولگن.
شونینگ‌دیک جناب عاکفی‌نینگ ایتیشیچه، آوازبیریش مرکزلریده اهالی‌نینگ قولَی صورتده قول تاپیشی، تعیین‌لش ترماغی تشکیلی اوزگریشی، سیلاو خرجتی و سیلاولر ایرکین کمیسیونی‌نینگ اعضاسی ایشی کمه‌ییشی، سیلاو شکایت‌لری‌نی تینگلش توزومی اوزگریشی و کمیسیون‌ده ناگران کیشی‌لر حضوری، اهالی‌نینگ، اصلاحات کیلتیریش خصوصیده بولگن اساسی تکلیف لریدن دیر.
سیلاو توزومی اصلاحات کیلتیریش کمیسیونی بیرلشگن ملت لر تشکیلاتی‌نینگ نماینده‌سی تادامیچی یاموتو، اوشبو تکلیف‌لرنی دموکراسی خصوصیده اینگ اساسی ایشلردن دیب بیله‌دی. جناب یاموتونینگ کوپه‌یتیریشیچه، سیلاولر توزومی‌گه اصلاحات کیلتیریش، سیلاو لایحه‌سی خصوصیده، خلق ایشانچی‌نی قیته‌دن جلب ایتیش‌گه یاردم بیره‌دی.
اجراییه باشلیغی، سیلاولر توزومی‌گه اصلاحات کیلتیریش خاص کمیسیونی‌نینگ ایشلریدن منتدارلیک بیلدیریب و اوشبو کمیسیون ایشلرینی هرتامانلمه دیگن. جناب عبدالله‌نینگ ایتیشیچه، مذکور کمیسیون ایشی تاریخ‌ده روی خطگه آلینه‌دی و خلق بو توغریده قضاوت قیلیشی ممکن.
جناب عبدالله‌نینگ کوپه‌یتیریشیچه، سیلاو توزومی اصلاحاتی کمیسیونی‌نینگ 11 تکلیف نامه‌سی اونملی دیر و تیزلیکده عمل‌گه آشیریلیشی اوستی‌گه ایش باشلنه‌دی.
اوشبو توپلم سیلاو توزومی‌گه اصلاحات کیلتیریش کمیسیونی‌نینگ بیرینچی معلومات‌لری بولیب، بیر آی ایچیده، مملکت بویلب 7 حوزه‌ده نظرخواه‌لیک نتیجه‌سیده تیارلنگن.
