آیسا یا افغانستان سرمایه یاتقیزووچی‌لرینی حمایت قیله دیگن اداره باشلیغی وفی‌الله افتخاری ایشیدن استعفا بیرگن‌لیگی‌نی اعلان قیلدی.
جناب افتخاری نینگ سلام وطندارگه بیلدیریشیچه، بوندن نیچه وقت آلدین جمهور رییس‌گه یوباریگن استعفا خطی بوگون جمهور رییس تامانیدن قبول بولگن.
تصدیق لنمه‌گن بعضی بیر گپ‌لرده جمهور رییس غنی بیلن وفی‌الله اورته سیده تاپیگن قرمه قرشی‌لیک‌لر اونی مذکور لوازم‌دن استعفا بیریشیگه سبب بولگنی ایتیله‌دی.
افتخاری مذکور مساله لی نی رد قیلیب ایتیشیچه، عایله وی قیین چیلیک باعث اوز ایشی دن استعفا بیرگن لیگینی ایتگن.
جناب افتخاری بوگون کابلده «ملی صنعت بیره‌می» ناملی کورگزمه یولگه قوییلگن بیر پیتده اوز استعفاسینی اعلان قیلگن. آیسا ابتکاری بیلن افغانستان لویه جرگه خیمه سیده یولگه قوییلگن کورگزمه مملکت جمهور رییسی اشرف غنی آرقه‌لی آچیلدی.
مذکور کورگزمه‌ده 112 شهابچه آچیلگن. بو شهابچه‌لرده تورلی صنعت و اویده ایشلب چیقاریلگن محصولات‌لر کورستووگه قوییلگن. افغانستان سرمایه یاتقیزووچی‌لرینی حمایت قیلیووچی اداره یا آیسا ایچکی و تشقی سرمایه یاتقیزووچی‌لرگه قولی لیک بیرپیت یره‌تیش نیتیده 1382- ییلده تاسیس ایتیلدی. مذکور اداره نینگ نماینده لیگی بلخ، هرات، قندوز، قندهار، خوست، جلال آباد، فاریاب، هلمند و پکتیا ولایت‌لریده فعالیت قیله‌دی.
