فاریاب محلی منبع‌لریدن بیری نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، آمریکا حربی‌لریدن 2 ته‌سی اوتگن فاریاب ولایتی نینگ المار تومنیده هلاک ایتیلگن.
هلاک ایتیلگن حربی‌لرنینگ هویت و قندی شکلده هلاک ایتیلگنی بیللی بولمه‌گن. فاریاب محلی مسووللری بو توغریده صحبت قیلیش‌نی ایستمه‌گن.
کیسکین حمایه‌وی کوچلر بیرخبرنامه آرقه‌لی، مذکور حربی‌لرنینگ هلاک ایتیلگنی‌نی تصدیق‌لگن، بیراق اولر هویت و قندی شکلده هلاک ایتیلگنی خصوصیده فکر بیلدیرمه‌گن.
خبرنامه‌ده کوپه‌یتیریلیشیچه، هلاک ایتیلگن عسکرلرنینگ هویتی 24 ساعت‌دن سونگ اعلان ایتیلیشی ممکن.
آمریکا حربی‌لریدن باشقه 2 ته‌سی اوچ هفته آلدین افغانستانده هلاک ایتیلگن ایدی، بیراق کیسکین حمایه‌وی کوچلر مذکور حربی‌لرنینگ قندی شکلده و قیرده هلاک ایتیلگنی خصوصیده معلومات بیرمه‌گن ایدی.
