آمریکالیک نیوزویک آتلی بیر میدیا آمریکا قوشمه ایالتلری نینگ مدافعه وزیرلیگی (پنتاگون) رسمیلریدن نقل قیلیب ایتیشیچه، مذکور مملکت نینگ افغانستاندهگی بوتون کوچلری گه طالبان برابریده بوتون هجومی عملیاتلرینی کمهیتیریشی توغریسیده بویروغ بیریب و افغانستان مدافعه و امنیتی کوچلری گه مصلحت بیریش توختهتیلیشی سورهلگن.
اوشبو گزارشده کیلیشیچه، آمریکا، افغانستاندهگی کوچلری کمهیتیریلیشی نی تینچلیک سوزلشوولری نینگ فنی تامانلری نهایی بولیشی اوچون ابزاری شکلده تکلیف قیلگن.
پنتاگون رسمیلری نینگ ایتیشیچه، افغانستانده آمریکا کوچلری کمهیتیریلیشی دواملی آتیشمه و مذاکره جریانی یکونلنیشی گه باغلیق بولگن، بیراق بو موضوع اوزگریشی ممکن. نیوزویک گزارشی اساسیده، کیسکین حمایهوی کوچلرنینگ مأموریتی بو توغریده جواب بیریش گه حاضر بولمهگن.
نیوزویک گزارشی ده کیلیشیچه، افغانستاندهگی آمریکا کوچلری نینگ سوزلاوچیلریدن بیری، میدیالرگه بیرگن صحبتیده، بو گزارش نی رد قیلیب و ایتیشیچه، حاضرگهقدر طالبان گه قرشی عملیاتلرنی کمهیتیریش خصوصیده هیچ بیر بویروغ آلمهگنلر و شونینگدیک، اوروش عملیاتلریده هم هیچ بیر اوزگریش کیلمهگن.
عین حالده، طالبان گروهی نینگ نمایندهلری 8- دور تینچلیک سوزلشوولری اوتگن کیچه ساعت 2 یریم اطرافیده یکونلنگنیدن خبر بیریب و بو دور سوزلشوونی تأثیرچن ایدی دیگنلر.
