بوگون چهارشنبه، سید یوسف حلیم و انیسه رسولی یوکسک محکمه عضویتی و خلیلالله صدیق مملکت مرکزی بانک ریاستینی قولگه کیریتیش اوچون، پارلماندن ایشانچ آواز آلیش اوچون کیلگن ایدیلر.
آواز بیریش نتیجهسیده، خلیلالله صدیق و سید یوسف حلیم مرکزی بانک ریاستی و ستره محکمه عضویتینی کسب ایتیشگه موفق بولدیلر؛ اما خانم انیسه رسولی ستره محکمه عضویتی اوچون نمایندهلر ایشانچینی قولگه کیرتالمهدی.
انیسه رسولی، 88 تائید آواز، 83 قرشی آواز، 14 آق آواز و 7 باطل آواز کسب ایتیب، پارلمان تامانیدن رد ایتیلدی.
سید یوسف حلیم، 103 تائید آواز، 73 قرشی آواز، 13 آق آواز و 4 باطل آواز کسب ایتیب، افغانستان ستره محکمه عضوی حیثیده تنلندی.
خلیلالله صدیق، 100 تائید آواز، 76 قرشی آواز، 10 آق آواز و 7 باطل آواز کسب ایتیب، افغانستان مرکزی بانک باشلیغی بولدی.
انیسه رسولی بیرینچی عیال بولیب، بیرینچی مرته جمهور رییس تامانیدن ستره محکمه عضویتینی کسب ایتیش اوچون تانیشتیریلگن ایدی. بیراق موجود گزارشلرگه کوره، جمهور رییس باشقه بیر عیالنینگ مذکور چوکینی قولگه کیریتیش اوچون پارلمانگه تانیشتیرهدی.
