د ولسي جرګې غړي سبا په خپله عمومي غونډه کې د یوې «شکمنې» رایې په اړه پرېکړه کوي.
یوه رایپاڼه چې له تېرو دوو ورځو راهیسې په ټولنیزو رسنیو کې خپرېږي، ښيي چې په دې پاڼه کې د میررحمان رحماني له تصویر سره ۲ لیکل شوي او د همدې پاڼې په پای کې هم یو ټکی اېښودل شوی دی.
د ولسي جرګې ۲۷ کسیزې کمېټه چې د سهشنبې په ورځ جوړه شوه، پرون یې د جرګې د نصاب، یوې باطلې رایې چې اوس «شکمنه» ده او د رایورکونې ورځې ټول تصویرونه بیا وکتل او نن یې د خپلې څېړنې پایلې د جرګې غړیو ته واورولې.
د یادې کمېټې یوه غړي غلامحسین ناصري وویل چې د کمېټې ۱۶ غړیو یوه «شکمنه» رایه سمه بللې، خو ۱۱ نورو غړیو بایکاټ کړی او د جرګې عمومي غونډې ته یې د پرېکړې لپاره د وړاندې کېدو غوښتنه کړې ده.
- د ولسي جرګې وکیلان د ځانګړې کمېټې راپور ته ګوتې شمېري
- له حقوقي او قانوني اړخه اصولي که رحماني په حقه دی؟
د نوموړي په وینا، ټاکل شوې د ولسي جرګې غړي سبا د دې رایې په اړه په عمومي غونډه رایې ورکړي او خپله وروستۍ پرېکړه اعلان کړي.
د ولسي جرګې د غړیو ترمنځ کړکېچ د شنبې په ورځ له هغه وروسته پیل شو چې د دې جرګې لنډمهالي رییس عطامحمد دهقانپور د ۱۲۳ رایو په خپلو سره د جرګې د رییس په توګه اعلان کړ چې دې کار د ولسي جرګې د نورو غړیو توند غبرګونونه را وپارول.
